Aksident në punë, humb jetën 34 vjeçari në Milot, Policia arreston inxhinierin e firmës që po rikonstruktonte pallatin

Aksident në punë, humb jetën 34 vjeçari në Milot, Policia arreston inxhinierin e firmës që po rikonstruktonte pallatin

Pamje nga vendi i ngjarjes

Një 34-vjeçar nga Elbasani humbi jetën, pasi gjatë punës ra nga tarraca e një pallati që po ri-konstruktohej, si pjesë e programit të rindërtimit nga tërmeti. Ngjarja ndodhi në qendër të qytetit të Milotit dhe viktimë mbeti Marku Debrova.

Pavarësisht ndihmës së parë, 34-vjeçari nuk mundi t’ju mbijetojë plagëve të marra në kokë dhe gjeti vdekjen në vendin e ngjarjes. Në lidhje me rastin nisen menjëherë hetimet dhe pas veprimeve paraprake hetimore, policia arrestoi inxhinierin e firmës që po kryente punimet, pasi mungonin rregullat e sigurisë në pune.

Në pranga u vu 55-vjeçari Mondi Turhani banues në Tiranë, ndërsa materialet procedurale iu referuan Prokurorisë së Rrethit Gjyqësor Kurbin për veprime të mëtejshme për veprën penale " Shkelja e rregullave të mbrojtjes në punë”.

Sipas të dhënave ne lidhje me rastin ka nisur verifikimet edhe Inspektorati Shtetëror i Punës.

Bashkia e Kurbinit ishte një ndër zonat më të prekura nga tërmeti i 26-nëntorit të vitit 2019-të dhe janë në proces rindërtimi apo rikonstruksioni një sërë objektesh.

 

E.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet