Humb jetën te Infektivi 62-vjeçarja, Ministria e Shëndetësisë: Jo nga COVID-19, por nga pankreasi

Një 62-vjeçare me COVID -19 ka humbur jetën ditën e sotme në Spitalin Infektiv ku dhe po trajtohej. Ministria e Shëndetësisë ka sqarua se 62-vjeçarja nga Shkodra nuk ka humbur jetën si pasojë e koronavirusit, por pasi vuante nga një sëmundje të rëndë dhe kronike e pankreasit.

Kjo sëmundje kronike e pankreasit e njohur dhe si pankreatiti nekrotizant ka një vdekshmëri të lartë, cilëson ministria e Shëndetësisë, ndërsa shton se 62-vjeçarja vuante edhe nga kanceri dhe astma bronkiale.

Viktima është sjellë ditën e djeshme në gjendje të rëndë nga spitali i Shkodrës, ku rezultoi bartëse e COVID19, por pa shenja klinike të sëmundjes.

“Referuar shërbimit infektiv, 62-vjeçarja nuk ka ndërruar jetë si pasojë e COVID19, pasi ishte asimptomatike për këtë sëmundje, por si pasojë e sëmundjes së rëndë të pankreasit”, tha ministria

Lajmi kryesor:

Shënohet rasti i parë me COVID-19 në Kukës, është nga bluzat e bardha! 8 të infektuar, 16 të shëruar gjatë 24 orëve të fundit

TAG:
• ministria e shendetesise
• koronavirusi ne shqiperi
• bilanci i koronavirusit