ITALI- Një 35-vjeçar shqiptar ka ndërruar jetë ditën e sotme pas një aksidenti me makinë. Makina ka dalë nga rruga dhe është rrokullisur disa herë në fushat e Castel Guelfo në zonën e Bolonjës.
Saimir Hoxha është personi që ndërroi jetë mbrëmjen e djeshme në kabinën e një "Toyota Yaris" që e kishte marrë me qira. Sipas medias italiane, aksidenti ndodhi rreth orës 7 të mbrëmjes, ku ai kishte humbur kontrollin e automjetit pranë një kthesë mjaft të rrezikshme.
Në makinë me të, ishte edhe një pasagjer 37-vjeçar shqiptar, i cili u dërgua në spitalin e madh në Bolonjë, i cili është jashtë rrezikut për jetën. Për aksidentin me vdekje keqardhje shprehu edhe kryetarit i bashkisë së Castel Guelfo, Claudio Franceschi, i cili, dje në mbrëmje, mësoi për ngjarjen dramatike dhe shkoi në vendngjarje për të kuptuar se çfarë kishte ndodhur.
![](https://shqiptarja.com/template/img/NO_ALFA_Kuadrate shqiptarja.png)
“Në emrin tim dhe në emër të Administratës, ngushëllimet tona më të thella i shkojnë familjes së djalit. Ne jemi afër jush në tragjedinë tuaj", tha ai.
Viktima, Saimir Hoxha
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)