Qeveria shqiptare ka miratuar një fond të veçantë që do t'u jepet familjarëve të dy dëshmorëve të atdheut, Zarife Hasanaj dhe Klodian Tanushi. Vendimi është marrë ditën e sotme në mbledhjen e Këshillit të Ministrave, të firmosur nga kryeministri Edi Rama. Bëhet fjalë për një fond prej dhjetë milionëve, që do të merren nga fondi rezervë i buxhetit të shtetit, për vitin 2019.
"Ministrisë së Mbrojtjes, në buxhetin e miratuar për vitin 2019, i shtohet fondi prej 10 000 000 (dhjetë milionë) lekësh, për kompensimin e veçantë të familjeve të ushtarakëve nëntetar Zarife Muharrem Hasanaj dhe major Klodian Nikolla Tanushi, të cilët humbën jetën gjatë kryerjes së detyrës, në mision ushtarak, jashtë vendit", sqarohet në vendimin e Këshillit të Ministrave.
Zarife Hasanaj dhe Klodian Tanushi humbën jetën në Letoni, si pasojë e një incidenti në Misionin e NATO-s.
Lajme të tjera
-
U ndanë nga jeta në krye të detyrës, Peleshi kujton dy Dëshmorët e Atdheut major Klodian Tanushi e nëntetar Zarife Hasanaj
6 Maj 2022, 13:30 -
2 vite pas rënies në krye të detyrës/ NATO në Letoni përkujton Dëshmorët Klodian Tanushi e Zarife Hasanaj: Gjithmonë mes nesh
13 Maj 2021, 14:04 -
1 vit nga tragjedia në Letoni, Xhaçka: U detyrohemi mirënjohje dëshmorëve tanë, Klodian Tanushit dhe Zerife Hasanajt
6 Maj 2020, 10:03 -
Bija tropojane, Zarife Hasanaj nderohet me titullin ’Qytetar Nderi'
5 Mars 2020, 22:58
