Humbja e 6-të, statuti i PD-së mbron Bashën nga dorëheqja, rruga e vetme për ta shkarkuar është mocioni i mosbesimit në Këshillin Kombëtar

Humbja e 6-të, statuti i PD-së mbron Bashën nga dorëheqja, rruga e vetme për ta shkarkuar është mocioni i mosbesimit në Këshillin Kombëtar

Lulzim Basha

Lulzim Basha po kalon ditët më të vështira politike që kur u zgjodh në krye të Partisë Demokratike në korrik të vitit 2013, sigurisht me ‘bekimin’ e familjes Berisha. Në zgjedhjet e pjesshme lokale të 6 marsit, Partia Demokratike me në krye Lulzim Bashën u konfirmua parti e tretë, pozicion të cilin deri më tani e kishte mbajtur Lëvizja Socialiste për Integrim, e cila në këto zgjedhje u shkri në lëvizjen e Berishës. Në disfatën e Bashës ka luajtur një rol vendimtar lëvizja e Berishës dhe e Metës, e projektuar pikërisht për rrëzimin e Bashës dhe sfiduar Shtetet e Bashkuara të Amerikës.

Dy ditë pas certifikimit të rezultatit, zërat brenda grupit parlamentar të Partisë Demokratike, për dorëheqjen e Lulzim Bashës, janë shtuar. Tashmë gati gjysma e deputetëve demokratë kërkojnë dorëheqjen e Bashës. Kundër Bashës janë pozicionuar edhe dy mbështetësit e tij më të zjarrtë, Grida Duma dhe Ervin Salianji. Ndërkaq, në reagimin e tij të parë pas humbjes, Lulzim Basha tha se ‘nuk kishte humbur asnjë betejë në jetën e tij’, duke konfirmuar se dorëheqja nuk është në planet e tij.

Sa i takon sanksioneve statutore në rast humbje, statuti i Partisë Demokratike, i ndryshuar vitin e kaluar, nuk njeh asnjë përgjegjësi të kryetarit të partisë në rastin e humbjes së zgjedhjeve lokale, aq më tepër të zgjedhjeve të pjesshme lokale. Statuti i PD-së, i ndryshuar në vitin 2021 nga Berisha dhe Basha, nuk parashikon dorëheqjen e kryetarit as kur humbet zgjedhjet e përgjithshme parlamentare.

Megjithatë, ka një rrugë për të shkarkuar Lulzim Bashën si kryetar i PD, që është një mocion mosbesimi në Këshilli i Kombëtar të Partisë Demokratike. Pika ‘ç’ e nenit 43 e statutit në fuqi të PD, parashikon që Kuvendi Kombëtar mund të shkarkojë kryetarin e partisë. Por, vendimi i shkarkimit nga Kuvendi i PD-së merret vetëm nëse më shumë se sa gjysma e Këshillit Kombëtar kanë votuar pro një mocioni mosbesimi ndaj kryetarit të partisë.

Pra, grupi i ri kundërshtar i Bashës në PD duhet të sigurojë fillimisht shumicën e votave në Këshillin Kombëtar dhe më pas në Kuvendin Kombëtar, për të mundësuar shkarkimin e Bashës. Por, mbledhja e Këshillit Kombëtar kushtëzohet nga vullneti i Bashës ose i Kryesisë së PD-së. Statuti i PD-së parashikon që Këshilli Kombëtar i PD-së mblidhet vetëm kur e thërret Lulzim Basha, kryesia e PD-së ose nëse mbledhjen e kërkojnë 1/4 e anëtarëve të tij.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • adi: 10/03/2022 10:59

    ky duket qe eshte shum i kapur peng, pasi sdo kishte individ me mend ne koke ne kete planet qe sdo jepte doreheqjen ne rrethanat e ketij.

    Përgjigju
  • elton: 09/03/2022 17:10

    akoma me skandal eshte fakti sesi akoma nuk ka dale te dorehiqet ...mjerimi i ketij njeriu spaska fund

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen