POP 5

Lajmet më të lexuara të 5 minutave të fundit

Sport

Humbja me Skocinë 'shkund' legjionarët, fundjavë pozitive me klubet e tyre

Mediat italiane vlerësojnë paraqitjen e Hysajt, Strakoshës, Veselit dhe Gjimshitit. Në Greqi ka befasuar mesfushori Ergys Kaçe i cili ka luajtur titullar në transfertën e fituar 1:3 kundër Larisës.
Humbja me Skocinë 'shkund' legjionarët, fundjavë pozitive me klubet e tyre

Thomas Strakosha, portieri i kombëtares shqiptare

Disfata me Skocinë në Ligën e Kombeve duket se ka zgjuar futbollistët e Kombëtares të cilët këtë fundjavë kanë bërë paraqitje pozitive me klubet e tyre. Në Itali, Elseid Hysaj me Napolin është rikthyer te fitorja, me shqiptarin që luajti për 90 minuta. Mediat italiane paraqitjen e mbrojtësit e kanë vlerësuar me notën 6. Është i pakalueshëm një kundër një, por nuk është shumë I saktë në daljet në sulm.

Me fjalë të mëdha është komentuar paraqitje e Strakoshës te Lazio. Portieri i Kombëtares bëri një pritje fantastike në fundin e takimit kundër Empolit, që ishte e barasvlefshme me golin trepikësh të Parolos. Nota 7.5 për 23-vjeçarin që për mediat italianë ishte mrekullia e Lazio-s.

Po në këtë takim luajti për 90 minuta Frederik Veseli. 25-vjeçari ishte një risi në krahun e majtë të mbrojtjes, si pasojë e mungesës së Antonelit dhe Paskual. Gjithsesi kjo nuk e pengoi që të merrte notën më të lartë në skuadër së bashku me Akuah, 6.5. Krijon shumë hapësira në sulm dhe I krijon mjaft pengesa në dalje Marusic.

Ndërkohë Atalanta do të luajë sonte ndeshjen e fundit të javës së katërt të “Seria A” kundër Spal në transfertë. Gjimshiti me shumë mundësi do të konfirmohet në qendër të mbrojtjes, ndërsa pritet që mes shtyllave të jetë Strakosha.

Në Greqi ka befasuar Kaçe i cili ka luajtur titullar me Panathinaikos, ndërkohë që me Shqipërinë Panucci nuk i dha asnjë minutë. Paraqitje shumë e mirë edhe për mbrojtësin e ri Enea Mihaj. Shqiptari i Panetolikos ishte shumë i saktë në prapavijë, duke ndihmuar në pikën e fituar kundër Xanthit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01