POP 5

Lajmet më të lexuara të 5 minutave të fundit

Sport

Humbja në derbi, trajneri Inzaghi: E papranueshme të quhet goli i Juventusit! Allegri mban qëndrim: Jemi zotërinj, s'flasim për arbitrat

Juventus ia doli të thyejë sërish Interin 1-0 në derbin e Italisë, por goli ka shkaktuar zemërim te zikaltërit. Trajneri Inzaghi thotë se është e patolerueshme që në epokën e VAR të bëhen të tilla gabime. Ndërkohë në La Liga Barcelona fitoi 2-1 me përmbysje ‘El Clasicon’ me Realin, duke hedhur një hap të madh drejt titullit kampion.

Inter është thyer edhe njëherë nga Juventusi në këtë sezon të Seria A. Derbi i javës së 27 u vendos nga një gol i Kostic, i cili shkaktoi shumë zemërim te zikaltërit për shkak se gjatë aksionit dyshohet se Rabiot e mori topin me dorë.

Për rrjedhojë në fundin e sfidës pati një përplasje mes lojtarëve, ndërsa u ndëshkuan me karton të kuq Dambrozio për Interin dhe Paredes te Juventusi. Trajneri i zikaltërve Inzaghi foli ashpër duke thënë se ‘ka hidhërim të madh për një humbje që erdhi në këtë mënyrë’. Ai shtoi se është e papranueshme që diçka të tillë të ndodhë në epokën e VAR-it, ndërsa trajneri i Juventusit Allegri u shpreh se ‘nuk do flasë për arbitrat, pasi janë zotërinj’.

Për shkak të kësaj humbje Interi zbriti në vendin e tretë, pasi Lazio e kapërceu në renditje. Ekipi i Sarri-t fitoi po 1-0 derbin me Romën, që u përcaktua shumë pas daljes me të kuq të Ibanez në minutën e 32. Edhe në këtë derbi në fund të sfidës pasti përplasje mes futbollistëve me arbitrin që nxorri edhe dy të kuq.

Ndërkohë superpërballja e La Liga-s, ‘El Clasico’ mes Barcelonës dhe Real Madrid u fitua 2-1 me përmbysje nga katalanasit. Pas autogolit Barcelona barazoi me Sergi Roberto-n në fundin e pjesës së parë, ndërsa në minutat shtesë Kessie vulosi fitoren tejet të rëndësishme. Kur kanë mbetur edhe 12 javë kampionat Barcelona udhëheq La Liga-n me 12 pikë më shumë se Real Madridi ndjekës.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • e drejta: 20/03/2023 10:13

    FITUAN H A J D U T E T SI GJITHMONE. T U R P I I FUTBOLLIT ITALIAN

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mbi 10 mijë emigrantë u mbytën këtë vit në tentativë për të shkuar në Spanjë

Mbi 10 mijë emigrantë u mbytën këtë vit në tentativë për të shkuar në Spanjë

26 Dhjetor, 16:59