Flamurtari humbi dje 3-1 nga Laçi pas 120 minutave lojë në play-off dhe kështu humbi mundësinë për të qenë në Superligë. Në fushën e Laçit, ndeshja ishte me raste dhe ritëm, teksa pas 90 minutave dueli u mbyll 1-1 dhe skuadrat iu drejtuan shtesës, ku Laçi shënoi dy herë dhe do vijojë qëndrimin në elitën e futbollit shqiptar.
Pas humbjes dhe katër viteve larg elitës së vendit, vlonjatët kanë akuzuar se gjyqtari Erjon Bastari ka ndikuar në fushë. Pas ndeshjes për MCN foli Eqerem Memushi. Trajneri i Flamurtarit i cili u ndëshkua me karton të kuq në minutën e 80-të akuzoi FSHF-në dhe arbitrin.
"Keqardhja më e madhe është sesi zhvillohen garat. Përgjegjës kryesor është Sektori i Garave. Është një krim i madh të tallesh me investimin e gjithë vitit. Një investim i madh dhe bëhet fjalë për Flamurtarin një ekip e qytet me tradita në futbollin shqiptar dhe që i ka dhënë shumë këtij sporti.
Kjo ndeshje duhet të ishte ndërprerë, pasi takimi u ndërpre dy-tre herë dhe të shkonte direkt 0-3 për Flamurtarin. Flamurtari e meritonte të ishte në Superiore, pasi e dominoi totalisht të gjithë lojën. Në 90 minuta nuk u dorëzuam asnjëherë, barazuam, kishim rastet tona, por kjo gjë varet nga një treshe gjyqtarësh që ishin kamikazë.
Këta janë njerëz që tallen me bukën e fëmijëve tanë dhe me djersën e mundin e sakrificën e çunave që vijnë për t'u argëtuar dhe luajtur futboll. Për mua sot (dje) kjo nuk ishte garë. Falënderoj çunat e mi, të jenë krenarë dhe të largohen me kokën lart.
E demonstruan se jemi ne skuadra që e meritonim të shkonim në Superiore. Për mendimin tim Flamurtari e interpretoi lojën në mënyrë të shkëlqyer, në pjesën më të madhe të lojës ishim pranë portës së Laçit dhe rrezikut për të shënuar. Personalisht jam shumë i kënaqur me ekipin.
Të vijë një ekip që brenda dy javësh bën 5 takime dhe dy herë luan me kohë shtesë dhe një bastard ashtu siç ka mbiemrin apo ku di unë të vijë qe të tallet me djersën, gjakun dhe krenarinë dhe nderin e një qyteti. Kjo është e pafalshme.
Më vjen mirë që takimi u transmetua direkt dhe e ka parë i gjithë opinioni shqiptar. Besoj se të gjithë janë të ndërgjegjshëm se kujt i takon që të ishte në Superiore", tha Memushi.
Komente
Lajme të tjera
-
Vlorë, asgjësohen 320 bimë kanabis, vihen në pranga 2 shtetas, një tjetër në kërkim
29 Qershor, 14:54 -
Dosje e re për Jorgo Goron, del emri i kryetarit të komanduar të Himarës, mori 14 mijë m2 tokë, Arqile Bollano në “sitën” e SPAK
29 Qershor, 13:10
-
VIDEO/ IKMT aksion në në Bypass-in e Vlorës, prish kjoskat dhe objektet pa leje
29 Qershor, 11:48 -
Vlorë/ Shuhet në mëngjes zjarri në Pilur, dogji 25 ha shkurre e pemë
29 Qershor, 10:05 -
Himarë/ Zjarr në fshatin Pilur prej orëve të pasdites, po punohet për shuarjen e flakëve (VIDEO)
28 Qershor, 22:47 -
Vlorë/ Nesër rikthehet në fushë pas 38 vitesh ndeshja Flamurtari-Barcelona
28 Qershor, 21:05
-
Zjarr në një fshat të Delvinës, u rrezikuan banesat! Flakët shuhen pas ndërhyrjes së zjarrfikëses nga Saranda
28 Qershor, 17:02 -
‘Për Dhërmi nga Tuneli i Llogarasë’, Rama publikon pamjet, pritet të hapet me 5 korrik
28 Qershor, 12:37 -
Bombola e ajrit shpërthen si bombë, të merr jetën! Zjarrfikësi flet në ‘Report tv’ pas vdekjes së ndërtuesit në Sarandë
28 Qershor, 11:46
-
Aksident në Autostradën Levan - Vlorë, makina bie në kanal shpëton shoferi (VIDEO)
28 Qershor, 10:20 -
Sylvinho larg Kombëtares, mësohet oferta e parë për trajnerin brazilian
28 Qershor, 08:35 -
Flakadanët, mesazhet e papërshtatshme dhe tifozi në fushë! FSHF e pëson sërish, vjen gjoba e tretë nga UEFA
27 Qershor, 13:24
Te luash ne eliten e futbollit nuk do te thote se po qe qytet me tradita e mritone patjeter. Ne elite luajne skuadrat me te pregatitura kurse ju u treguat te paafte te mundnit Laçin ne fushen e lojes. Gjyqtar ishte shume korrekte. Ju nuk ishit te zotet te shenonit gol prandaj mos u ankoni dhe pregatituni me mire per sezonin tjeter
PërgjigjuO Memush ose më mir Qamush po pse arbitri ta ka fain ty që lojtarët e tu sdin të bëjn gol dhe me vetëm portjerin o Memush kapterrin.
Përgjigju