POP 5

Lajmet më të lexuara të 5 minutave të fundit

Ekonomi

Humbjet e gjyqeve në arbitrazh arrijnë 388 mln euro! KLSH: Nuk ka asnjë analizë nga institucionet përgjegjëse

Dëmi i shkaktuar buxhetit të shtetit nga humbjet e gjyqeve në Arbitrazhin Ndërkombëtar, arrin 388 milionë euro. Kontrolli i Lartë i Shtetit në një auditim të kryer thotë se Avokatura e Shtetit nuk ka bërë asnjë analizë për shkaqet e humbjeve, dhe as nuk ka marrë masa për rikuperimin e dëmeve.

Arbitrazhet vijojnë të mbeten një sfidë për shtetin shqiptar. Nga 14 padi që ka shteti në arbitrazhin ndërkombëtar, për 9 prej tyre është dhënë vendimi, dhe 5 janë ende në proces gjykimi.

Nga çështjet e gjykuara Shqipëria ka humbur 5 prej tyre, të cilat i kanë shkaktuar një dëm financiar buxhetit 388.5 milionë euro. Por për të gjitha këto gjyqe të humbura Avokatura e Shtetit nuk ka informacion nëse janë njohur apo jo pranë Gjykatave të Apelit vendase.

“Thuajse për të gjitha rastet Avokatura e Shtetit nuk dispononte informacion të plotë mbi njohjen e këtyre vendimeve pranë Gjykatave të Apelit vendase, si dhe ecurisë së ekzekutimin të tyre”, thuhet në auditimin e KLSH-së.

Avokatura e shtetit nuk ka asnjë informacion sipas KLSH, as për 4 gjyqet e fituara në Arbitrazh nëse janë njohur nga Gjykatat e Apelit, për pasojë shteti nuk rimbursohet për kostot e paguara gjatë procesit gjyqësor.

“Njohja e vendimeve të këtyre proceseve gjyqësore pranë këtyre gjykatave kanë të bëjnë me njohjen e të drejtës për rimbursimin e kostove të paguara më parë nga shteti shqiptar gjatë procesit gjyqësor dhe nuk janë vlera financiare shtesë të fituara”, thuhet në auditim.

Një tjetër shqetësim i ngritur në auditim është edhe fakti se Avokatura e Shtetit nuk ka bërë ndonjë analizë të arsyeve pse janë humbur gjyqet dhe të nxirren shkaktarët e përgjegjësitë. Për këtë arsye, KLSH kërkon që të merren masa për analizimin e dosjeve gjyqësore dhe të informohet Këshilli i Ministrave për shkeljet dhe mosveprimet e institucioneve respektive vendase në mënyrë që të shmangen veprimeve të padrejta dhe abuzive në të ardhmen.

K.T./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

27 Nëntor, 22:41