Hungari, referendum për refuzimin
e emigrantëve, vota që tremb BE-në

Hungria i drejtohet referendumit ku do të votohet kundër pranimit të refugjatëve në rast se Bashkimi Europian vendos të zbatojë ndarjen e tyre në përqindje. Referendumi është iniciuar nga  kryeministri Viktor Orban.

Ndërsa sondazhet e opinionit tregojnë mbështetje të fortë për një refuzim  të refugjatëve . Por në mënyrë që referendum të jetë i vlefshëm duhet të sigurohet pjesëmarrja me mbi 50% ku janë thirrur të votojnë 8,27 milionë  zgjedhës.Qytetarët do t’u përgjigjen me “po” ose “jo” pyetjes: A doni që Bashkimi Europian të ketë mandatin të detyrojë sistemin e shtetasve johungarezë në Hungari, edhe pa aprovimin e Asamblesë Kombëtare?

Kryeministri Orban e ka prezantuar referendumin si një kthesë të rëndësishme për të mbrojtur identitetin kristian të Europës i cili kërcënohet nga kriza e emigrantëve.

Gjatë krizës së refugjateve , Hungaria u bë një shtet transit në rrugën e Ballkanit Perëndimor drejt Gjermanisë dhe destinacioneve të tjera të BE-së.

Ndërsa sipas një analiste hungareze ekziston një pakt i fshehtë mes Orban dhe kancelares Merkel i bazuar mbi një shkëmbim, më pak reziztencë në shpërndarejn e emigrantëve në këmbim të ndihmës së Berlinit në proceset gjyqsore.

Redaksia online
(E.M/Shqiptarja.com)