POP 5

Lajmet më të lexuara të 5 minutave të fundit

Bota

Hungaria merr presidencën e BE-së, 6 muaj të vështirë për bllokun europian

Me një kryeministër si Viktor Orban që shpesh herë ka dalë kundër politikave të BE, Hungaria mori sot presidencën e radhës të bllokut. Qeveria hungareze ka bër të ditur se gjatë drejtimit 6-mujor të BE do të fokusohet në rritjen e konkurrencës, forcimi i politikës së mbrojtjes, zgjerimi dhe frenimi i migracionit të paligjshëm

Nga sot Presidenca e Bashkimit Europian është marrë në “dorë” nga Hungaria, me në krye kryeministrin kontrovers, Viktor Orban.

Ardhja e Hungarisë në krye të Presidencës së BE është shoqëruar me pikëpyetje, duke marrë parasysh se Orban, ka qëndrime kontradiktore me shumicën e vendeve anëtare të bllokut. Ai nuk është dakord me sanksionet e BE ndaj Rusisë si dhe ka penguar miratimin e ndihmave ushtarake dhe financiare për Ukrainën.

Për më tepër, Hungaria është penalizuar nga vetë BE-ja, e cila ngriu 6 miliardë euro fonde, të destinuara për të.

Qeveria hungareze ka qartësuar se gjatë drejtimit 6-mujor të Presidencës së BE do të fokusohet në rritjen e konkurrencës, forcimi i politikës së mbrojtjes, zgjerimi dhe frenimi i migracionit të paligjshëm.

Ndër të tjera, aplikimi i Kosovës për anëtarësim në BE, i bërë që në fund të vitit 2022, pritet të mos shqyrtohet as gjatë presidencës hungareze.

Presidenca e BE-së është një prej organeve kryesore vendimmarrëse të bllokut, që përbëhet nga ministra të shteteve anëtare.

Hungaria pasoi Belgjikën, e cila ka pasur kryesimin e BE-së në gjashtë muajt e parë të vitit dhe nga 1 janari i viti të ardhshëm, ajo do t’i kalojë këtë rol Polonisë.

Xh.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 01/07/2024 13:11

    Me keq se e kane ber situaten keta lepiresit e amerikes nuk do ta bej Orban , ai kerkon qe Europa te kete vertet peshe ne maredheniet nderkombetare dhe jo te jete vegel e amerikes

    Përgjigju
  • Sondazhi i ditës:

    Skandali tek Onkologjiku, a duhet hetimet të shkojnë përtej mjekëve?

Lajme të tjera



×

Lajmi i fundit

Zjarr në Radhimë, digjen sipërfaqe të mëdha kullotash

Zjarr në Radhimë, digjen sipërfaqe të mëdha kullotash

1 Korrik, 16:55