TIRANË - Agjencia e Kthimit dhe Kompensimit të Pronave do të nisë ndarjen e fondit financiar për subjektet e shpronësuara duke u nisur nga harta e re e çmimeve. Pavarësisht ankimimit që mund t’i bëhet ligjit në Gjykatën Kushtetuese ai do të jetë i zbatueshëm deri në marrjen e një vendimi prej kësaj Gjykate. Vetëm në rast se Kushtetuesja do të shprehet për pezullimin e ligjit AKKP do të detyrohet të ndërpresë procedurën e ndarjes së parave si dhe të rivlerësimit të të gjithë dosjeve.