Ligji i ri “Për mbrojtjen e shëndetit nga produktet e duhanit”, i cili parashikon forcimin e një sërë masash, hyn në fuqi në datën 15 gusht, duke sjellë disa risi për duhanpirësit dhe subjektet. Referuar ndryshimeve, tashmë do të ndalohet përdorimi i cigares elektronike, duhanit me ngrohje apo shishe/nargjile, në ambiente të mbyllura, duke aplikuar për to të njëjtat rregulla si për format konvencionale të duhanpirjes.
Gjithashtu, me ndryshimet e fundit ligjore rriten masat penalizuese ndaj subjekteve që gjenden në shkelje të ligjit. Kështu, gjoba për të gjithë subjektet që shkelin ligjin për pirjen e duhanit në ambientet e brendshme është 300 mije lekë, por, nëse ata do të kapen në shkelje të përsëritur brenda një periudhe 3-mujore, masa administrative 2-fishohet, duke arritur arrin në 600 mijë lekë. Ndërkohë që, nëse subjekti i tatueshëm i penalizuar për herë të dytë gjendet përsëri në shkelje brenda një afati kohor 1-vjeçar, atëherë ndaj tij vendoset gjobë në vlerën e 300 mijë lekëve dhe pezullim të aktivitetit deri në shlyerjen e masave të gjobës.
Po ashtu, ligji i ri ndalon promocionin e fshehur nëpërmjet ngjyrave të logos së produkteve të duhanit. Ndërsa, nga ana tjetër, parashikon heqjen nga tregu nga qarkullimi të paketimeve të vogla, që kryesisht kanë nga 10 cigare. Megjithatë, kjo është një masë që do të zbatohet 2 vjet pas hyrjes në fuqi të ligjit. Ndërkaq, Inspektorati Shtetëror Shëndetësor ka nisur trajnimet me punonjësit, me qëllim zbatimin e ligjit të ri.
Lajme të tjera
-
Vëzhgimi/ Ligji anti duhan nuk respektohet në shumë lokale! IShSh vendosi vetëm 53 gjoba nga Janari në Tetor! Shuperka: Nuk tregojnë asgjë gjë
21 Nëntor 2023, 19:05
-
800 raste të reja me kancer mushkërish, hartuesi i ligjit anti-duhan: Të rishikohet! Gjobat vendosen sipas ‘oreksit’ të inspektorëve
17 Nëntor 2023, 17:03
-
Dhuna kundër vajzave dhe grave, KE vjen me një ligj të ri
15 Shtator 2021, 21:55 -
Projektligji për bregdetin/ Ndalohet çdo ndërtim, lejohen vetëm investimet strategjike! Skaner objekteve aktuale, Agjencia që do marrë në dorë vijën e detit me super kompetenca
4 Shtator 2021, 17:10
-
Pamje horror në paketat e cigareve! Miratohen imazhet e reja të paketimit (FOTO)
19 Shkurt 2020, 17:00 -
I pakrehur, Kujtim Gjuzi tregon ku e kaloi natën mbrëmë: Na jep ndonjë lek ne, do t’i ndjek hap pas hapi
17 Shkurt 2020, 14:13
