POP 5

Lajmet më të lexuara të 5 minutave të fundit

Kronikë

Pamje horror në paketat e cigareve! Miratohen imazhet e reja të paketimit (FOTO)

Miratohen imazhet e reja në paketimet e duhanit në Shqipëri që vijnë si pjesë e forcimit të ligjit të ri 'Për mbrojtjen e Shëndetit nga produktet e duhanit' për të ndërgjegjësuar njerëzit mbi efektet negative të duhanpirjes.

Pamje horror në paketat e cigareve! Miratohen imazhet e reja të paketimit (FOTO)

Miratohen imazhet e reja në paketimet e duhanit në Shqipëri që vijnë si pjesë e forcimit të ligjit të ri 'Për mbrojtjen e Shëndetit nga produktet e duhanit' për të ndërgjegjësuar njerëzit mbi efektet negative të duhanpirjes. Imazhet e reja që do të përfshihen në paketimet e duhanit, janë më të 'frikshme' dhe do të zënë me tekst dhe figurë 65 % të faqes ballore dhe asaj të pasme të paketës, pikërisht për të parandaluar pirjen e tij dhe ulur numrin e duhanpirësve duke i ndërgjegjësuar në lidhje me dëmet që shkakton ai.

Imazhet e reja u miratuan më 19 shkurt nga Komiteti Ndërsektorial për Mbrojtjen e Shëndetit nga Produktet e Duhanit. Imazhet u morën me leje përdorimi nga Austria dhe Kanadaja, pasi imazhet që janë miratuar për përdorim nga BE , kanë të drejtë të publikohen vetë në vendet anëtare.

 “Ne propozuam që të përdornim imazhet që përdoren në Bashkimin Europian, por nuk ishte e mundur për shkak se lejohet vetëm për vendet anëtare. Ndaj hulumtuam dhe morëm miratim nga Australia dhe Kanadaja për të përdorur fotot paralajmëruese në paketimet e duhanit. Paralajmërimet e kombinuara tekst dhe figurë do të zënë 65% të faqes ballore të paketimit të duhanit dhe po ashtu të faqes së pasme, duke zbatuar Direktivën 2014/40 EU", tha Manastirliu gjatë drejtimit të mbledhjes.

Këto imazhe do të vendosen në paketat e cigareve dy vite pas miratimit, për t’i lënë kohën e nevojshme biznesit për të bërë ndryshimet e duhura në paketimin e duhanit, ndërsa zbatimi i ligjit të ri do të ndiqet me rigorozitet nga institucionet e ngarkuara për këtë çështje si ISHP,ISHSH, grupet e inspektimit, inspektorati i punës, drejtoritë e taksave, inspektoratet arsimore dhe policia. Gjithashtu Ministria e Shëndetësisë në bashkëpunim me Autoritetin e Mediave Audiovizive do të ndërmarrin një fushatë komunikimi për dëmet që shkakton duhanpirja.

Miratimi i këtyre imazheve dhe ndryshimet në ligjin e ri të duhanit u diskutuan më 17 shkurt në seancën e Kuvendit.  Këto ndryshime u propozuan nga ish ministri i Shëndetësisë, Ilir Beqaj, ndërsa hasi kundërshtitë e deputetes Rudina Hajdari se këto ndryshime nuk do të ulin numrin e duhanpirësve. Ministra aktuale e Shëndetësisë, Manastirliu e konsideroi sfidë zbatimin e ligjit të ri  por të nevojshëm për të ndërgjegjësuar njerëzit mbi efekte negative që duhani ka në shëndet.  

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vera: 19/02/2020 18:07

    RRITNI CMIMIN NGA 2000 LEKE ,BEJENI 5000 LEKE TE VJETRA,,,kjo jep rezultat….//

    Përgjigju
    • Dory: 19/02/2020 18:20

      Nuk ka lidhje cmimi kush e pi edhe 5000 leke e blen... Nuk ka renje te duhanpiresve as me fotot ne pakete

  • Foto: 19/02/2020 17:26

    Shpresoj te vendosin edhe foton e 9 ne rradhe tek paketat e cigareve

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46