POP 5

Lajmet më të lexuara të 5 minutave të fundit

Politikë

I akuzon PS, fëmijët e Berishës:
Pasuria jonë është e ligjshme

Akuzat e Taulant Ballës. Argita e Jamarbër Malltezi, bashkë më Shkëlzen Berishën, përkatësisht vajza, dhëndri dhe djali i Kryeministrit Sali Berisha në një deklaratë për mediat sqarojnë se të ardhurat e tyre janë me burime të ligjshme dhe se do e çojnë çështjen në gjykatë. Balla: Berisha më kërcënon familjen por unë do të flas ILDKP: Po verifikojmë Balla: Argita, mësuesja më e paguar në Europë Balla: Argita paguhet sa zv/presidenti amerikan Balla: Berisha shkel ligjin, nuk deklaroi burimin e 10 mln lekëve
I akuzon PS, fëmijët e Berishës: <br />Pasuria jonë është e ligjshme
TIRANE - Argita e Jamarbër Malltezi, bashkë më Shkëlzen Berishën, përkatësisht vajza, dhëndri dhe djali i Kryeministrit Sali Berisha kanë reaguar në lidhje me akuzat për deklaratat e pasurisë të deputetit socialist Taulant Balla. Në një deklaratë për mediat Argita e Jamarbër Malltezi dhe Shkëlzen Berishën sqarojnë se të ardhurat e tyre janë me burime të ligjshme dhe janë kryer të gjitha detyrimet tatimore dhe vërtetohen lehtësisht në Institutin e Lartë të Deklarimit dhe Kontrollit të Pasurisë.

“Në lidhje me spekulimet e fundit të z. Balla sqarojmë se të ardhurat tona janë të gjitha nga burime të ligjshme dhe të deklaruara në organet përkatëse. Të gjitha të ardhurat janë derdhur në rrugë bankare dhe për to janë shlyer, po në rrugë bankare, të gjitha detyrimet tatimore sipas legjislacionit në fuqi. Sa më sipër vërtetohet lehtësisht nga deklarimet vjetore të pasurisë në ILDKP, institucion i cili hetoi dhe konstatoi vërtetësinë e deklarimit tonë të pasurisë ndër vite, por dhe deklarimet pranë organeve tatimore mbi të ardhurat personale vjetore”, thuhet në njoftimin për mediat.

Më tej në njoftim thuhet se të ardhurat e vajzës, dhëndrit dhe djalit të Kryeministrit Berisha janë në dritë të diellit, ndryshe nga kryetari i Partisë Socialiste që betonoi Tiranën dhe u akuzua publikisht nga ndërtuesit se u kishte kërkuar miliona euro në shkëmbim të lejeve të ndërtimit.

“I kujtojmë z. Balla se të ardhurat tona të deklaruara, të kontrolluara e të gjetura në rregull janë në dritë të diellit, ndryshe nga shefi i z. Balla i cili pasi betonoi Tiranën me miliona metër katror ndërtim dhe u akuzua publikisht nga ndërtuesit se u kishte kërkuar miliona euro në shkëmbim të lejeve të ndërtimit, deklaron si kursime jete 3 mijë euro, dhe se jeton 6 muaj te shokët e 6 muaj tek mami meqë është i pastrehë”, thuhet me tej në njoftim.
Në fund të njoftimit Argita e Jamarbër Malltezi dhe Shkëlzen Berisha kanë paralajmëruar se këtë çështje do ta çojnë deri në gjykata dhe deputeti Balla nuk duhet të trembet port ë paraqitet me argumente.

“Përsa i përket trillimeve të vazhdueshme të z. Balla, kundër të cilit janë hapur nga persona të ndryshëm disa procese ligjore për shpifje, që prej një jave kemi pritur që ai të japë argumente për akrobacitë e tij spekulative. Meqë këtë ai nuk e bën, do t’i japim mundësinë të paraqesë argumentet e tij në gjykatë. E ftojmë të mos i shmanget si frikacak përballjes në gjyq”, përfundon njoftimi për mediat.

Redaksia online
(eç/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça