POP 5

Lajmet më të lexuara të 5 minutave të fundit

Kronikë

I dënuar me 17 vite burg, biznesmeni italian Beccheti ankimon vendimin në Apel

Biznesmenin italian Francesco Becchettin, i dënuar me 17 vite burg për krijimin një skeme mashtrimi me TVSH dhe pastrim parash, përmes kompanive të tij, ka apeluar vendimin e Gjykatës së Tiranës. 

I dënuar me 17 vite burg, biznesmeni italian Beccheti ankimon vendimin në Apel

Francesco Becchetti

Biznesmenin italian Francesco Becchettin, i dënuar me 17 vite burg për krijimin një skeme mashtrimi me TVSH dhe pastrim parash, përmes kompanive të tij, ka apeluar vendimin e Gjykatës së Tiranës. Biznesmeni ka paraqitur ankim në gjykatën e Apelit pasi akuzohet për ngritje të një skeme të mashtrimit me TVSH dhe pastrim parash. Po ashtu edhe nëna e tij Liliana Condomitti ka bërë ankim e cila është dënuar me 8 vite burg, për veprën penale të “Pastrimit të produkteve të veprës penale”.

Mësohet se gjithashtu është ankimuar vendimi i shkallës së parë edhe nga tre shoqërite private të cilat dyshohet se janë të përfshirë në këtë skemë. Francesco Becchettin u dënua se përmes kompanive të tij kishte krijuar një skemë të mashtrimit me TVSH dhe pastrim parash. Biznesmeni italian vazhdon të jetë në arrati dhe për të ka një mandat arresti ndërkombëtar.

Becchetti u akuzua për 4 vepra penale “Vjedhje duke shpërdoruar detyrën”, “Pastrimi i produkteve të veprës penale ose veprimtarisë kriminale”, “Falsifikim Dokumentesh”, “Krijimi i skemave mashtruese lidhur me tatimin mbi vlerën e shtuar”.

Pas një përballje të gjatë me prokurorinë dhe gjykatën shqiptare Francesco Becheti është deklaruar fajtor.  Akuzat e ngritura  nga prokuroria e përfaqësuar në gjykim nga vetë Kryeprokurorja Elizabeta Imeraj, janë gjetur të drejta akuzat e ngritura dhe tashme drejtësia ka konkluduar me fajësi. Kjo është përgjigja e drejtësisë shqiptare pas një kalvari të gjatë shtyrjesh me manovra procedurale të seancave gjyqësore. Çështja penale ka filluar në vitin 2014, dhe sot drejtësia foli, Becchetti u dënua.

Bashkëpunëtorin e tij italian Mauro De Renzis u dënua me 16 vite burg  për “Falsifikim të dokumenteve”, “Vjedhje duke shpërdoruar detyrën”, “Krijimi i skemave mashtruese”, “Mospagim i taksave dhe tatimeve”, “Kontrabandë me mallra të tjerë” dhe “Pastrim i produkteve të veprës penale”

Me 8 vite burg është dënuar e ëma e Becchetit, Liliana Condomitti dhe 8 vite për Erjona Troplini, të cilat akuzohen për “Pastrimi të produkteve të veprës penale”. Ndërsa Stavri Peci dhe Fetah Dervishi janë dënuar me shërbim prove për shkak të moshës

Gjykata ka vendosur edhe që 4 kompanitë e sekuestruara Becchettit, konkretisht për “Energji” sh.p.k. “Cable System” sh.p.k, “400 KV” sh.p.k dhe “Agon Set” sh.p.k i kalojnë shtetit.

Vendimi është marrë nga gjyqtarët Lazer Sallaku, Besnik Hoxha dhe Sokol Pasho. E pranishme në seancë ishte vetë drejtuesja e prokurorisë së Tiranës, Elisabeta Ymeraj, e shoqëruar nga prokurorët Mirela Cano dhe Leonard Filopat.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu