POP 5

Lajmet më të lexuara të 5 minutave të fundit

Kronikë

I dënuar përjetë për atentatin ndaj prokurorit Ndoja, GJKKO konfiskon pasuritë e Redjan Rrajës, mes tyre ‘Audi’ luksoz i Kejvina Kthjellës (LISTA)

Me kërkesë të SPAK, Gjykata e Posaçme konfiskoi pasuritë e Redjan Rrajës dhe personave të lidhur me të, i dënuar me burgim të përjetshëm për atentatin ndaj ish-prokurorit Arjan Ndoja.

I dënuar përjetë për atentatin ndaj prokurorit Ndoja, GJKKO konfiskon pasuritë e Redjan Rrajës, mes tyre ‘Audi’ luksoz i Kejvina Kthjellës (LISTA)

Redjan Rraja, Kejvina Kthjella

Gjykata e Posaçme kundër Korrupsionit dhe Krimit të Organizuar pranoi kërkesën e SPAK për konfiskimin e 9 prej pasurive të Redjan Rrajës dhe familjarëve të tij, përfshirë edhe makinën luksoze ‘Audi’ të cilën ia kishte dhuruar modeles Kejvina Kthjella.

Më 7 shkurt 2024, gjyqtarja Atalanta Zeqiraj vendosi të pranojë kërkesën e Prokurorisë së Posaçme kundër Korrupsionit dhe Krimit të Organizuar, Tiranë.

Në konkluzionet e paraqitura në gjykatë nga SPAK në kuadër të hetimit pasuror të Redjan Rrajës i cili është i dënuar përjetë për atentatin ndaj prokurorit Arjan Ndoja në vitin 2019 në Durrës, theksohet se këto pasuri janë blerë nga Rraja me para që vinin nga veprimtari të jashtëligjshme.

Bëhet fjalë për 5 pasuri të paluajtshme, 3 prej të cilave në emër të bashkëshortes së tij Marsela Çiça. Po ashtu, GJKKO konfiskoi dhe 2 automjete, njëri në emër të Redjan Rrajës dhe një Audi që i është sekuestruar personazhit të shoubizzit Kejvina Kthjella në nëntor 2019. Mes pasurive të konfiskuara është edhe një orë Rolex dhe 2750 euro.

Gjykata e Posaçme nga ana tjetër hoqi sekuestron e vendosur mbi automjetin e markës Bentley, blerë nga Redjan Rraja në 20191-n për 900 mijë lekë.

Lista e pasurive të konfiskuara
1- Pasuria me nr. 6/121-N9, zk 8160, me sipërfaqe 30 m2, e llojit “njësi”, regjistruar më datë 11.12.2014 në emër të Redjan Asllan Rraja.
2- Pasuria me nr.6/121-N8, zk 8160, me sipërfaqe 76 m2, e llojit “njësi”, regjistruar më datë 23.12.2014, në emër të Redjan Rraja.
3- Pasuria me nr.107/49+1-N2, zk 3292, me sipërfaqe 127.5 m2, e llojit njësi, regjistruar në emër të Marsela Çiça.
4- Pasuria me nr.107/49-G103, zk 3292, me sipërfaqe 18.09 m2, regjistrua në emër të Marsela Çiça.
5- Pasuria me nr.107/49-G104, zk 3292, me sipërfaqe 18.09 m2, regjistrua në emër të Marsela Çiça.
6- Automjeti me targë AA005XY, Audi A8, regjistruar në emër të Redian Rraja në datën 29.10.2019, pas blerjes së tij nga Tafil Sina sipas kontratës me nr.5267 rep, nr.2989 kol, datë 24.10.2019, kundrejt vlerës prej 20 000 Euro.
7- Automjeti me ngjyrë gri të tipit Audi me targa italiane FW262TW, me numër shasie WAUZZZ4G5GN160958, sekuestruar shtetases Kejvina Kthella sipas procesverbalit të datës 05 NëNtor 2019.
8-  Një orë dore me rrip metalik, me ngjyrë gri dhe të verdhë, me fushë të zezë, me numër në pjesën e pasme 16233 (Roleks).
9- Shuma prej 2750 euro.

Gjykata ka vendosur revokimin e sekuestros së vendosur mbi automjetin e markës Bentley, tipi Continental, me targë AA 033 UG, blerë nga shtetasi Redjan Rraja, me kontratë shitblerje automjeti me nr. 5272 rep, dhe nr. 2570 kol, datë 19.08.2019, në shumën 900 000 lekë (nëntëqind mijë) lekë. Kthimi i mjetit u bë pasi rezulton i blerë nga një tjetër shtetas

Redjan Rraja është dënuar me burgim të përjetshëm për atentatin e mbikalimit të Shkozetit, ku mbetën të plagosur prokurori Arjan Ndoja dhe Aleksandër Laho dhe humbi jetën shoferi Andi Maloku. Bashkëpunëtori në krim, Arjol Halilaj, është dënuar me 35 vite burg. Redjan Rraja u arrestua në më 5 nëntor 2019  në pikën kufitare të Hanit të Hotit, në tentativë për t’u larguar drejt Malit të Zi, pasi gjurmët e gishtërinjve të tij u gjetën në mjetin e përdorur gjatë atentatit.

B.V/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkodrani: 08/02/2024 20:10

    Kjo baxhella e ndyrë do vozisë ndonjë Audi tjetër, do i ketë marrë masat, mos u bëj merak, nuk e lë dafllakun pa marsh!

    Përgjigju
  • leo: 08/02/2024 16:26

    Po tani si do tja bej kjo baxhella e ndyre...

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Halit Valteri: Kam dokumentet që vërtetojnë se Këlliçi pagoi për foton me Trump, t’u tregojë shqiptarëve ku i gjeti paratë

Halit Valteri: Kam dokumentet që vërtetojnë se Këlliçi pagoi për foton me Trump, t’u tregojë shqiptarëve ku i gjeti paratë

24 Janar, 18:42