Ia dhuruan në Itali, presidenti Meta i dorëzon Bibliotekës Kombëtare 12 libra autorësh arbëreshë me vlerë historike, letrare e gjuhësore

Ia dhuruan në Itali, presidenti Meta i dorëzon Bibliotekës Kombëtare 12 libra autorësh arbëreshë me vlerë historike, letrare e gjuhësore

Presidenti Ilir Meta

Presidenti Ilir Meta, menjëherë pas vizitës zyrtare, që zhvilloi në Rajonin e Siçilisë, i dorëzoi Bibliotekës tonë Kombëtare, dymbëdhjetë libra të vyer, vepra të rëndësishme letrare me vlerë të madhe historike, letrare e gjuhësore, që iu bënë dhuratë gjatë vizitës së tij në bashkësitë arbëreshe.

Disa nga veprat që Presidenti Meta i dhuroi Bibliotekës Kombëtare ishin “Apologia Istorica” nga At Giorgio Guzzetta, botim i vitit 1722 në Napoli, dy vepra të Zef Skiroit, një prej të cilave “Të dheu i huaj”, botim i vitit 1940, që flet për arratisjen epike të shqiptarëve në shek. XV nga vendlindja e tyre dhe ardhjen e tyre në Siçili, si dhe librin “Canti Sacri delle Colonie Albanesi di Sicilia”.

Po ashtu Kreu i Shtetit i dhuroi Bibliotekës Kombëtare edhe kryeveprën epike shqiptare “Lahuta e Malcis” – nga At Gjergj Fishta, një botim i vitit 1973 në gjuhën italiane, nga Qendra e Studimeve Shqiptare të Universitetit të Palermos, si dhe librin, studim kritik nën kujdesin e Profesorit të mirënjohur arbëresh Matteo Mandalà të veprës “E Mbsuame e Krështerë” të Lek Matranga të vitit 1592.

Libri “E Mbsuame e Krështerë” ka një rëndësi të veçantë historike, gjuhësore dhe letrare, duke qenë dokumenti më i vjetër në variantin toskë të letërsisë shqipe.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit