POP 5

Lajmet më të lexuara të 5 minutave të fundit

Kronikë

I gjetën 56 kg kanabis në kamion, policia arreston babë e bir në Kapshticë! Po e transportonin drejt Turqisë (EMRAT)

Policia kufitare e Kapshticës ka arrestuar babë e bir nga Tirana pasi i gjetën 56 kg kanabis në kamionin që po lëviznin.

Kapshticë-Policia kufitare e Kapshticës ka arrestuar babë e bir nga Tirana pasi i gjetën 56 kg kanabis në kamionin që po lëviznin. Të arrestuarit janë identifikuar si Dashmir Hamazaraj dhe Amanti Hamazaraj.  

Ndërkohë në kërkim është shpallur edhe një 38 vjeçar i cili dyshohet se është bashkëpunëtor për trafikimin e lëndës narkotike.

Burime për Report Tv bëjnë me dije se droga e gjetur në kamion kishte si destinacion Turqinë nëpërmjet pikës së kalimit kufitar të Kapshticës.

Babë e bir, 68 dhe 35 vjeç kanë deklaruar në polici se nuk kanë dijeni për sasinë e drogës të gjetur në kamionin.

Gjatë kontrollit në pjesën e tavanit të rimorkios efektivët e policisë gjetën 44 shufra metalike ku ishte fshehur edhe lënda narkotike. 

"Gjatë operacionit u sekuestruan 56 kilogramë lëndë narkotike cannabis sativa, kamioni ku ishte fshehur lënda narkotike dhe 1300 euro.     
Në kuadër të operacionit u arrestuan shtetasit: D. H., 68 vjeç dhe A. H., 35 vjeç, banues në Tiranë (babë e bir). 
Në PKK Kapështicë, në dalje të RSh-së, shërbimet e Policisë, bazuar në inteligjencën policore, kanë kaluar për kontroll në vijën e dytë, automjetin kamion me drejtues shtetasin A. H dhe pasagjer shtetasin D. H. Gjatë kontrollit, në pjesën e tavanit të rimorkios së kamionit u konstatuan të montuara 44 shufra metalike, në të cilat ishin fshehur sasi lënde narkotike cannabis sativa, me peshë totale 56 kilogramë.
 Në vijim të veprimeve procedurale u shpall në kërkim shtetasi F. K., 38 vjeç, banues në Tiranë, pasi dyshohet si posedues i lëndës narkotike dhe bashkëpunëtor në trafikimin e saj", informoi sot policia. 

Operacioni u kodua 'Shufrat'.

Materialet procedurale i kaluan Prokurorisë Korçë, për veprime të mëtejshme.


 

Xh.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28