Medi Kurteshi, pronari i subjektit privat që shiste materiale ndërtimi dhe që u grabit në orët e para të ditës së sotme në Patos rrëfen se i ka ndjerë në një moment autorët, por nuk reagoi duke menduar se zhurmat vinin nga puna e një firme që po kryente punime. Ai thotë se kamerat e sigurisë nuk kanë funksionuar, ndërsa shton se kjo nuk ishte hera e parë që grabitej, por e treta. Report Tv sjell pamjet e kasafortës që autorët shkallmuan duke marrë lekët dhe çelësat e dy makinave “Audi” dhe “Range Rover" duke u larguar të pashqetësuar.
"Rreth orës 03:00 erdhën disa grabitës, u futën brenda ambienteve të punës nga dritarja dhe shkatërruan gjithcka, edhe kasafortën që ndodheshin vlera monetare dhe dy çelësave të makinave që sapo i kishim blerë. I kishim lënë në kasafortë për efekt sigurie. Në mëngjes kur u ngrita pashë që cdo gjë ishte e shkatërruar. Unë ndjeva dicka natën, zbrita tre katër shkallë nga kati i katërt dhe qëndrova një moment.
Menduam se do të ishte puna e Albstarit (firmës) me zhurma të mëdha. Kjo nuk është hera e parë që grabitemi, por jo të kësaj natyre. Nuk mund të them gjë për autorët, por duket se ka qenë e organizuar mirë. Kemi kamera sigurie, por nuk janë të nivelit të duhur. Kamerat nuk kanë funksionuar edhe për shkak të neglizhencës sonë.
![](https://shqiptarja.com/template/img/NO_ALFA_Kuadrate shqiptarja.png)
Ne kërkojmë të gjenden grabitësit dhe të na kthehen sendet e vjedhura. Jemi të frikësuar, të pambrojtur. Nuk ka siguri, nuk hap dot derën e shtëpisë. Nuk kemi konflikte me askënd. Mendoj se grabitësit mund të kenë qenë tre" deklaroi ai.
Lajmi kryesor:
Grabitësit 'namin' në Patos, vjedhin 'Range Rover'-in, 'Audi'-n e mijëra euro, pronari: I ndjeva, u futën nga dritarja (VIDEO)
![](https://www.shqiptarja.com/template/img/sh_logo1.png)