Gani Dardeshi u zhduk në prill të vitit 1992. Djali i tretë i familjes nga Dibra ishte 21 vjeç asokohe, kur emigroi për herë të tretë në Greqi. Më parë kishte kaluar kufirin ilegalisht bashkë me kunatin e tij, pasi la ushtrinë dhe vendosi të punonte për t’i ardhur në ndihmë familjes së madhe me 6 fëmijë. Ai kishte punuar në Trikalla për periudha të ndryshme dhe merrej me bujqësi. Në herën e tij të tretë në tokën helene, ai u nda nga kunati për t’u zhvendosur në një fshat tjetër në kërkim të një pune. Me vete mori pasaportën dhe 10 dhrami. I fundit që e takoi ishte daja i tij, të cilit i kërkoi një punë, dhe nuk mundi ta sigurojë. Për këtë arsye Ganiu u largua dhe që nga ai moment nuk u kthye më. Nuk pati asnjë kontakt, as me familjen. 7 vite pas nga zhdukja e të riut, një fqinj i familjes së Ganiut u tha familjarëve se kishte takuar dy gra nga Kosova, të cilat pretendonin se e dinin se ku ndodhej Ganiu. Sipas pohimeve që nuk u konfirmuan kurrë, ai thanë se Ganiu ndodhej në Amerikë. Kaq dhe asgjë më shumë, pasi familjarët nuk mundën të mësojnë as emrat e zonjave nga Kosova që pretendonin të dinin të vërtetën e fatit të Gani Dardeshit.
Kanë kaluar shumë vite dhe daja që e takoi për të fundit herë ndërroi jetë. Nëna e tij, Barije Dardeshi, është sot 72 vjeçe e sëmurë dhe jeton në Peshkopi bashkë me djalin e vogël, pasi bashkëshorti 5 muaj më parë ka ndërruar jetë.
"Pas 7 vitesh vijnë dy gra nga Kosova, dhe takohen me një të fisit, i thonë se duam të shkojmë tek i ati i çunit dhe që do shkojmë ti themi se Ganiu jeton në Amerikë. Këta kishin një vajzë në Amerikë të martuar. Gratë kishin ardhur në llixha në Dibër. Por nuk u kishin marr asgjë, as emër as kontakt. Sot i bie të bie 48-vjeç." tha tezja.
"Si teze i kërkoj vetëm që të jetë në jetë kudo që të jetë, nuk i ndërhymë në familje, vetëm një reagim jam këtu. Ta dëgjojë e ëma, që të mos iki nga kjo jetë pa e dëgjuar. Motra jeton me shpresë. Babai i tij iku, duke parë foton e tij. Ka 27 vite që e pret djalin e saj." tha më pas tezja.
Ndërkohë në redaksinë e Pa Gjurmë ka ardhur një njoftim se 48-vjeçari është parë në vitin 2004 në Larisa të Greqisë. Gazetari i Pa Gjurmë: Një person na njofton se në vitin 2003-2004 e ka parë në Larisa. Emisioni Pa Gjurmë do të verifikojë rastin në fjalë për të mësuar nëse bëhet fjalë për të njëjtin person.
Lajme të tjera
-
Ekskluzive/ I vranë të birin, babai i Martin Canit flet për Report Tv pas protestës: E pabesueshme, falënderoj shqiptarët që ma lehtësojnë këtë dhimbje (VIDEO)
21 Nëntor, 16:16 -
Greqia në grevë të përgjithshme, punonjësit protestojnë për presionin e kostove të jetesës
20 Nëntor, 19:53 -
Paralizohet Greqia, sot grevë 24 orëshe në sektorin publik dhe privat
20 Nëntor, 08:21 -
E zuri korenti duke vjelë ullinjtë, humb jetën 48-vjeçari shqiptar në Korfuz
18 Nëntor, 18:34 -
‘Po flirton me Erdoganin dhe Ramën’, Mitsotakis përjashton nga partia Demokracia e Re ish-kryeministrin Samaras
16 Nëntor, 16:49 -
Greqi/ Në kërkim për vjedhjen e 7 banesave, arrestohet ‘skifteri’ shqiptar
13 Nëntor, 17:10 -
VIDEO/ Aksident i rëndë në Athinë, përplasen 2 motorë, vdes 18 vjeçari shqiptar, shpëton adoleshenti grek
12 Nëntor, 18:17 -
Trump bisedë telefonike me kryeministrin grek Mitsotakis! Qeveria greke: Në fokus bashkëpunimi mes dy vendeve
12 Nëntor, 12:53 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Rama ndan video nga takimi me shqiptarët në Selanik: Frymëzim kuqezi
4 Nëntor, 08:50 -
Greqi/ Tërmet me magnitudë 5.3 në Selanik, ja ku ishte epiqendra
3 Nëntor, 18:29 -
Rama i quajti forcat e reja politike nga Selaniku si ‘maska e Sudes’, Kulluri: Të trajnohet si ‘roje arash koperative’, ja fshinë dardhat shokët e s’mbeti gjë për njerëzit
3 Nëntor, 14:51
