Vlorë/ Me armë në makinë, sapo shohin policinë e hedhin dhe tentojnë të ikin, por arrestohen

VLORË- 2 të rinj janë arrestuar, pasi janë kapur me armë në makinë, pas një kontrolli të bërë nga policia për personat e shpallur në kërkim. Të shoqëruar janë E. G dhe J. A., 21 dhe 26-vjeç. Ato po udhëtonin me makinë, kur sapo kanë parë policinë kanë tentuar që të largohen.

Njëri prej tyre gjatë largimit ka hedhur në tokë një armë zjarri, e cila u sekuestrua në cilësinë e provës materiale. Uniformat e policisë i kanë ndjekur dhe i kanë vënë prangat.

"Kontrolle të befasishme për kapjen e personave në kërkim dhe atyre që qarkullojnë me armë zjarri.  Qarkullonin me armë zjarri në automjet dhe tentuan t’i shmangeshin kontrollit të Policisë, shoqërohen 2 shtetas.  Strukturat e DVP Vlorë në bashkëpunim me FNSH-në, në zbatim te planit të masave me qëllim kapjen e personave të shpallur në kërkim, personave që qarkullojnë me armë zjarri dhe atyre që tentojnë të trafikojnë apo shperndajnë lendë narkotike, ngritën pika kontrolle në vende të ndryshme të Qytetit të Vlorës. 

LEXO EDHE:
Digjen dy banesa në Vlorë e Fier, shkak shkëndija elektrike

Si rezultat i kontrolleve, sherbimet e Policisë në  Lagjen “Partizani”, Vlorë në vendin e quajtur “Ura e martirëve”, kanë ndaluar një mjet tip "Audi".  Një 21-vjeçar e një 26-vjeçar me iniciale E. G dhe J. A, të gjendur në mjetin e ndaluar sapo kanë parë punonjësit e Policisë kanë braktisur mjetin dhe kanë tentuar të largohen.  Njëri prej tyre gjatë largimit ka hedhur në tokë një armë zjarri, e cila u sekuestrua në cilësinë e provës materiale.  Shërbimet e Policisë i kanë ndjekur dhe i kanë prangosur dy te rinjtë duke bërë më pas shoqërimin e tyre në Komisariatin e Policisë Vlorë, për veprime të mëtejshme hetimore.  Vijon puna hetimore për të zbardhur autorësinë se cili nga të rinjtë posedonte armën e zjarrit", njofton policia. 

Pistoleta e sekuestruar 

B.K./Shqiptarja.com

TAG:
• Vlore
• arme zjarri
• policia e vlorës