Koronavirusi ka shënuar një tjetër viktimë në radhët e politikanëve këtë të premte. Ndërron jetë në moshën 66-vjeçare ish-kryebashkiaku i Elbasanit, Engjëll Dakli.

Dakli po trajtohej prej disa ditësh në Turqi, por nuk ka mundur të fitojnë betejën me koronavirus duke ndërruar jetë mëngjesin e kësaj të premteje.

Për ndarjen e tij nga jeta ka shprehur mesazh ngushëllimi shprehu presidenti Meta, i cili shkruan se ishte një qytetar model dhe intelektual dhe nënpunës i ndershëm i shtetit. Ndërsa kryedemokrati Lulzim Basha shkruan se Elbasani humbi qytetarin e tij të parë ndërsa PD një aktivist të shquar dhe me kontribut të madh.

Ëngjëll Dakli ka drejtuar bashkinë e Elbasanit në vitet 1996-2000, ishte ish deputet dhe ish ministër i punës. Ëngjëll Dakli ishte një prej intelektualëve të respektuar të Elbasanit.

Ish-kryebashkiaku i Elbasanit Engjëll Dakli

Rendit zhvillimet sipas orarit:
Ora 14:01
Ndërroi jetë nga COVID, Basha për Engjëll Daklin: Elbasani humbi qytetarin e tij të parë, PD humbi një aktivist me kontribut të shquar

1606229714_Screenshot2.jpg
Me një mesazh ngushëllimi për ndarjen nga jeta të ish-kryebashkiakut Engjëll Daklit, kryedemokrati Lulzim Basha shkruan se Elbasani humbi qytetarin e tij të parë ndërsa PD një aktivist të shquar dhe me kontribut të madh.

"Me hidhërim të thellë mora lajmin për ndarjen nga jeta të ish-Ministrit, ish-deputetit dhe ish-Kryetarit të Bashkisë së Elbasanit, z. Engjëll Dakli.  Ngushëllimet e mia më të ndjera dhe lutjet e mendimet e mia janë me bashkëshorten Ortenca, djemtë Anrin dhe Martinin dhe miqtë e tij të shumtë. Me ikjen e Ëngjëll Daklit, Elbasani humbi qytetarin e tij të parë ndërsa Partia Demokratike një aktivist të shquar me kontribut të madh në qeverisjen qendrore e lokale. U prehtë në paqe" shkruan Basha

 

E.M./Shqiptarja.com

Ora 13:32
Ndahet nga jeta Engjëll Dakli, Meta: Qytetar model dhe intelektual kalibri, nënpunës i ndershëm i shtetit

1606295828_ilirmeta1.jpg

Presidenti Ilir Meta i ka kushtuar një mesazh ngushëllimi familjarëve dhe të afërmve të ish-kryebashkiakut të Elbasanit, Engjëll Daklit.

Përmes një postimi në Facebook, Meta shkruan se Dakli ishte një përfaqësues dinjitoz i një familjeje fisnike me tradita qytetare dhe demokratike dhe do të kujtohet përherë me respekt e mirënjohje.

"Ëngjëll Dakli, përfaqësues dinjitoz i një familjeje fisnike me tradita qytetare dhe demokratike, do të kujtohet përherë me nder, respekt e mirënjohje, si një qytetar model dhe i përkushtuar, intelektual kalibri dhe mbi të gjitha si një nëpunës i ndershëm i shtetit, që aq shumë e deshte përparimin e Shqipërisë dhe që me aq pasion punoi për modernizimin e qeverisjes vendore të Elbasanit" - shkruan Meta.

 

E.M./Shqiptarja.com