'I lumtur që po marshojmë', Shehi flet pas fitores së Tiranës! Duro: Egnatia s'e meritonte të humbiste ndaj bardhebluve

Një gol i Patric kundër Egnatias i kombinuar me humbjen e dytë rradhazi të Partizanit ka kthyer Tiranën në krye të Superligës pas shumë muajsh. Tani kampionët në fuqi kanë një diferencë me 2 pikë ndaj rivalëve të qytetit.

“Sigurisht kur mbaron ndeshjen tëndë shef kundërshtarët dhe ku ka më mirë sesa ata të ndalojnë e ne të marshojmë. Kurrsesi nuk duhet të shohim klasifikimin, por duhet të fokusohemi te performanca jonë,"-u shpreh Orges Shehi, trajner i Tiranës.

Nga ana tjetër Shpëtim Duro pësoi disfatën e parë si trajner i Egnatias pas dy fitoreve kundër Kukësit në transfertë dhe Partizanit në Rrogozhinë.

“Humbjen sot me thënë të drejtën nuk e meritonim. Të paktën një barazim. Shfrytëzoi një moment pasigurie në mbrojtjen tonë Tirana dhe arriti ta mbajë me shumë mënyra, por si ndeshje them se nuk e ka merituar plotësisht,”-deklaroi Shpëtim Duro, trajner i Egnatias.

Po të enjten Laçi mposhti Partizanin 1-0 falë golit të Ujkës, ndërsa Vllaznia mori 3 pikët kundër Kukësit me rezultatin 0-1. Për rrjedhojë verilindorët iu rikthyen krizës pasi ekipi i drejtuar nga Dobi zbriti sërish në vendin e parafundit. Java e ardhshme e Superligës për shkak të ndeshjes miqësore të kombëtares kundër Katarit do të zhvillohet më 12 dhe 13 nëntor.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Arsimi profesional, të ftuarit të ‘Përballje’: Të rinjtë e zgjedhin që të ikin nga Shqipëria, qeveria t’u garantojë punësim e paga dinjitoze

Arsimi profesional, të ftuarit të ‘Përballje’: Të rinjtë e zgjedhin që të ikin nga Shqipëria, qeveria t’u garantojë punësim e paga dinjitoze