Ayla Savaskan është një nga 39 personat që i mbijetuan fatkeqësinë më të madhe detare në historinë e Turqisë, me mbytjen e anijes ”Uskudar”, më 1 mars të vitit 1958, kur jetën e humbën rreth 300 persona, por kurrë nuk e pa filmin ”Titanik”, fitues i dhjetëra çmimeve, përfshirë atë Oscar, njoftoi agjencia zyrtare turke e lajmeve, Anadolu Agency (AA).

Anija lundronte mes Izmitit dhe Golcukut, kur u fundos në afërsi të Derinces për shkak të motit të keq.

Për anijen ”Uskudar” thuhej se ishte ”Titanik”-u turk.

Savaskan as sot, ndonëse kanë kaluar thuajse gjashtë dekada nga fatkeqësia, nuk e ka fshirë nga kujtesa atë ditë.

Atëhere, vetëm 16 vjeçe, i mbijetoi fatkeqësinë duke u mbajtur te një copë druri.

Edhe sot, ajo ruan në kujtesë mikeshat e saj të shkollës, të cilat humbën jetën gjatë fundosjes së anijes./atsh