Vizita e kryeministrit serb, Aleksander Vuçiç në një spital në Nish është shoqëruar me një 'debat' të vogël. Mehmeti, një shqiptar i shtruar në spital, i pyetur nga kryeministri se cila ishte origjina e tij i është përgjigur se ishte nga Dobrosin, një fshat afër Bujanocit, vend në të cilin Vuçiç kishte shkuar për vetëm takime me ushtrinë, xhandarmërinë dhe policinë serbe.

Vuçiç e tregoi se kohë për parë e kishte vizituar Dobrosin dy herë radhazi, por nasryen e vizitës. 

 “Po, unë jam nga Dobrosini i Bujanocit”, ishte përgjigjia e Mehmetit, drejtuar kryeministrit serb Vuçiç.
“Tashmë dhe ju po e dini, unë jam shqiptar dhe vij nga Dobrosini. Por nuk e di sa jeni në dijeni, fshati dikur ka pasur 172 banorë, derisa tani ka vetëm 52’’ i është drejtuar Mehmeti kryeministrit serb Aleksandër Vuçiç në takimin e tyre në spitalin e Nishit.

Kryeministri serb e pyeti përsëri:
“Po ku shkuan ata…? Në Kosovë?”, 

“Jo, çfarë Kosovë!  Shqiptarët mërguan në shtete të tjera. Ju duhet të dini shumë mirë në Dobrosin e në Bujanoc në përgjithësi, ku ka vendbanime shqiptare, papunësia është më e madhe”, i është përgjigjur shqiptari, shkruan "Tanjug".

Vuçiç: Ndoshta sepse ata s’kanë dashur?

Mehmeti i përgjigjet: “Jo ata kanë dashur, por këtu ka shumë probleme. Ju duhet të uleni dhe të zgjidhni problemet që ekzistojnë ende me Maqedoninë dhe Shqipërinë”

Vuçiç i premton Mehmetit se pasi të dalë nga spitali do ta vizitonte atë në Dobrosin, e ndërsa Mehmeti i përgjigjet se ka shumë gjëra për t’i thënë.

Redaksia Online
(B.K/shqiptarja.com)