I prekur nga infeksioni që në mars/ Flet 27 vjeçari britanik: Jam ende i sëmurë nga sindroma post-Covid

Kanë kaluar 182 ditë qëkurse zbuloi se ishte prekur nga infeksioni i Covid dhe tani

27-vjeçari Charlie Russell vendosi të tregojë përvojën e tij në faqet e britanikes The Guardian

Edhe pse tani ai ka dalë negative në testin e tamponit, ai ende nuk është shëruar. I ka akoma në trup efektet e koronavirusit dhe jeta e tij nuk ka asgjë të përbashkët me më parë

“Nuk vrapoj më 5 km si më parë, nuk shkoj në pub e nuk punoj dot. Por kryesorja është se nuk ndijem aspak mirë” – tregon 27 vjecari

“Sikur ta dija që Covid do të ishte kështu, do ta kisha marrë shumë më seriozisht që në mars. Por, sipas asaj që dëgjuam asokohe, duke qenë i ri në moshë nuk do të kasha pasoja të rënda”.

Tani Charlie ende vuan nga dhimbje gjoksi, dhimbje koke torturuese, marrje fryme, marramendje dhe lodhje. 

27-vjeçari është një nga shumë njerëz, në pjesën më të madhe të shëndetshëm para sëmundjes, të cilët vazhdojnë të kenë simptoma edhe pasi kalojnë Covid-19. 

Lodhje kronike, marrje fryme, vështirësi në përqendrim, probleme me kujtesën, simptoma gastrointestinale, erë dhe shije e ndryshuar, skuqje të lëkurës, rënie e flokëve: lista e sëmundjeve është e gjatë, ashtu si edhe ajo e pacientëve që ankohen për to.

Në artikullin kushtuar rastit të Charlie Russel, The Guardian jep edhe dëshminë e Charles Shepherd, këshilltar mjekësor i Shoqatës ME në mbështetje të personave me encefalomielit mialgjik (i njohur gjithashtu si "sindroma e lodhjes kronike"). 

"Ekziston rreziku që nëse sëmuren të rinjtë dhe nëse nuk i nënshtrohen shtrimit në spital, ata do ta gjejnë veten me sindromën e post-Covid. Kjo nuk do të ndodhë me shumicën e rasteve, por për një pakicë të konsiderueshme”.

The Guardian tregon se rreth 600,000 njerëz në Mbretërinë e Bashkuar ankohen për simptoma afatgjata. Shkencëtari Shepherd thotë se “rreth 12% e të sëmurëve raportojnë simptoma afatgjata tek aplikacioni ‘Covid Tracker’.

“Një në 200 pacientë thonë se pasojat zgjasin më shumë se 90 ditë, - ”shkruan gazeta britanike.

TAG:
• pandemi
• post-Covid
• Charlie Russell
• Simptoma kronike