'I qëndron afër ekipit', Milan synon të firmosë me Igli Taren

Milan është rikthyer në një kantier të hapur përsa i përket posteve drejtuese në ekip pasi Gatusso dhe Leonado zyrtarisht nuk janë më pjesë e ‘djallit’, ndërkohë që gjasat janë që edhe Maldini të ndjekë hapat e tyre. Për këtë arsye shefi ekzekutiv i klubit Ivan Gazidis është hedhur në sulm për të siguruar sa më shpejt të paktën drejtorin sportiv, të cilit do t’i besojë projektin e së ardhmes.

‘Sportmediaset’ shkruan se i preferuari i Gazdis është shqiptari Igli Tare, që prej 10 vitesh mban postin e drejtorit sportiv te Lazio. Arsye se përse pëlqehet 45-vjeçari është komunikimi dhe afërsia që ka me skuadrën, diçka për të cilën është se i mungonte Leonardo-s.

Me këtë lëvizje Gazidis shpreson që me një gurë të vrasë dy zogj, pasi me Taren do të ishte me e thjeshtë për të bindur edhe Simone Inzaghi-n, për të marrë vendin e lënë bosh nga Gatusso. Ndërkohë përveç Tares kandidat tjetër për postin e drejtorit sportiv te Milan është edhe Sven Mislintat. Këtij të fundit i jep përparësi eksperienca pasi përveçse drejtori aktual i Stuttgart më herët ka mbajtur të njëjtin rol edhe te Dortmund, ndërsa te Arsenal ka qenë shefi i skautëve.

Ne.k./Shqiptarja.com

TAG:
• Milan
• Igli Tare