Fier-Policia ka ndaluar 18 vjeçarin me iniciale A.O., banues në Levan të Fierit. Ndalimi i këtij shtetasi u bë pasi në datën 07.11.2017, në fshatin Levan, dyshohet se ka kryer marrëdhënie seksuale me të miturën 13 vjeçare me iniciale A.R., e cila me dëshirën e saj është larguar për 2 ditë në një fshat të Fierit. Të dy i përkasin komunitetit rom në Levan.

Per autorin e ngjarjes ka nisur procedimi në gjendje të lirë, pasi kërkon të martohet me 13 vjeçaren e cila ka pranuar propozimit e 18 vjecarit. Ajo nuk është kthyer në banesën e saj.

Sipas policisë ngjarja ka ndodhur ditën e djeshme në Levan të Fierit. Sipas burimeve nga policia Fier A.0.,18 vjeç ka marrë në shtëpi shtetasen 13 vjeçaren me iniciale.

Pas mungesës së saj në shtëpinë e prindërve janë alarmuar familjarët që kanë lajmëruar policinë ndërkohë që pas gjetjes së saj policia ka ndërhyrë për të bindur të dy të rinjtë që të heqin dorë nga ky vendim duke marrë parasysh moshën dhe ligjin që nuk lejon martesat në këtë moshë.

Ngjarja ne fjale i eshte percjelle edhe prokurorise së Fierit.

Redaksia Online
Xh.F /Shqiptarja.com