I shpëtoi atentatit në Larushkë 2 muaj më parë, ende asnjë gjurmë nga Gentjan Bejtja! Ja ku dyshon policia se është fshehur

Kur po mbushen gati dy muaj nga masakra e Larushkut me një të vrarë e dy të plagosur, policia ende nuk ka mundur të gjejë dhe marre në pyetje Gentjan Bejtjan i cili konsiderohet se ishte shënjestër e atentatit që ndodhi në derën e vilës së tij.

Policia ka dyshime se ai fshihet në disa baza në Lezhë por kërkimet e deritanishëm nuk kanë dhënë rezultat. Ndërkohë që pas ngjarjes ku viktime mbeti Ramazan Sino kunati i Bejtjas dhe u plagos djali i tij i mitur, policia arrestoi si te dyshuar Valter Bamin të fortin e Niklës të cilit zyrtarisht i ngriti vetëm akuzën e armëmbajtjes pa leje.

Atentati ndodhi pak pas mesnatës së të martës, 4 korrik 2023 kur Ramazan Sino sapo kishte hyrë me makinë në oborrin e kunatit të tij, bashkë me nipat. Në drejtim të tyre u qëllua me breshëri kallashnikovi, duke e lënë dajën e të miturve në vend, ndërsa të dy u plagosën. Autorët dogjën automjetin bashkë me 3 kallashët në afërsi të Tapizës, duke humbur çdo gjurmë. Për shkak të plagosjes së dy fëmijëve, dhe veprimeve hetimore që kanë të bëjnë me ta dosja penale i ka kaluar seksionit për të miturit në prokurorinë e Tiranës. 

 Valter Bami u arrestua dy ditë më pas, 6 korrik 2023 pasi në dorën e majtë të Bamit u konstatuan mbetje baruti.

I konsideruar si personazhi kyç në ngjarje, marrja në pyetje e Gentian Bejtjes vlerësohet e rëndësishme nga policia pasi pista kryesore që po ndjek grupi i hetimit është hakmarrja.

G.MO/Shqiptarja.com

TAG:
• atentat gentian bejtjas
• gentjan bejtja
• Durres
• fushe kruje
• valter bami
• larushk