I tha Ulsi Manjës mos na çaj b**ën/ Vasili: Serinë e fyerjeve dhe sharjeve e hapi Rama

Seancën e fundit të Kuvendit, krahas kryeministri Edi Rama dhe paraardhësit të tij Sali Berisha, protagonist i fjalorit fyes në Kuvend ishte edhe Petrit Vasili kur iu drejtua me fjalë banale kryetarit të komisionit parlamentar të ligjeve, Ulsi Manja (Lexo këtu). Vasili tha se nuk preferon ta komentojë fjalorin e tij, por shtoi se ka qenë Edi Rama ai që e nisur këtë seri sharjesh dhe fyerjesh në adresë të opozitës. "Fjalorin tim në Kuvend nuk e komentoj. Ju e dini sesi e ka etiketuar Edi Rama popullin, me popull që i ngrihet, që s'i ngrihet. Në sallën e parlamentit ndalohet fjala, nuk zbatohet rregullorja. Këtë seri sharjesh dhe fyerjesh e ka hapur Edi Rama. Provoko nga salla...Lësho lumenj fyerjesh. Ka një Kod Etike që nuk u miratua ashtu siç kërkoi OSBE/ODIHR, por u miratua në mënyrë të njëanshme nga maxhoranca. Për çdo lloj ofendimi, fyerje, Edi Rama nuk dënohet kurrë. Kemi vetëm deputetë nga ana e opozitës që dënohen. Është një parlament që e kanë kthyer në kooperativë të maxhorancës. I kemi bërë një kërkesë komisioni të rregullores, kur Rama krahasoi popullin në mënyrë të shëmtuar dhe kërkuam një masë disa ditore. Nuk ndodhi asgjë. Flamur Noka është dënuar tre herë pse ka kërkuar fjalën në foltoren. Parlamenti ka shkarë në mënyrë të njëanshme. Zgjidhja është 16 shkurti", u shpreh Vasili.  

Lajmi kryesor:

Iu drejtua me fyerje Ulsi Manjës/ Vasili për Report Tv: S'dua ta komentoj, Rama nuk do jetë kryeministër në 30 qershor

TAG:
• OSBE