I vendosën tritol në dyqan, Arjan Aliço i dënuar për tentative vrasje së bashku me të birin (VIDEO)

Arjan Aliço, pronari i dyqanit, të cilit mëngjesin e sotëm i vendosën tritol, është i dënuar për tentative vrasje.

Në vitin 2016, Arjan Aliço në bashkëpunim me djalin e tij Xhino Aliço, kanë  plagosur me thikë dhe sende të forta, personin me inicialet J. S., duke i shkaktuar atij dëmtime të rënda në trup dhe në kokë.

Arjan Aliço u arrestua menjëherë pas ngjarjes, ndërsa i biri, Xhino Aliço u shpall në kërkim. Ngjarja ndodhi pas një konflikti për motive të dobëta, në një pikë bastesh.

Xhino Aliço, djali i tij 28-vjeç, u ekstradua nga Kroacia pak ditë më parë pasi rezulton i dënuar me 13.6 vite burg për tentativë vrasje.

28-vjeçari është dënuar më 10.03.2020 me 13 vjet e 6 muaj burg nga Gjykata e Lushnjës, për një ngjarje të ndodhur në vitin 2016.

 

Lajmi kryesor:

Lushnje/ Shpërthim me tritol në dyqanin e Arjan Aliços, ish-anëtar i bandës së Aldo Bares, i dënuar për tentativë vrasje së bashku me të birin

M.Q./b.ha./Shqiptarja.com

TAG:
• shperthim
• lende plasese
• lushnje
• Arjan Aliço