Lushnje/ Shpërthim me tritol në dyqanin e Arjan Aliços, ish-anëtar i bandës së Aldo Bares, i dënuar për tentativë vrasje së bashku me të birin

Një shpërthim me tritol ka ndodhur në orët e para të mëngjesit në Lushnje. Sasia e lëndës plasëse është vënë në dyqanin e Arjan Aliços, një person me precedent të theksuar kriminal, i njohur edhe si ish-anëtar i bandës së Aldo Bares.

Në ambientin ku është vendosur tritoli, më parë ka shërbyer si lokal dhe është dëmtuar vetëm pjesa e jashtme e qepenit. Pronari i lokalit Arjan Aliço, aktualisht ndodhet në burg i dënuar për tentative vrasje së bashku me të birin, ndërsa pjesëtarët e tjerë të familjes nuk banojnë aty prej vitesh.  Aktualisht tek zona ku ndodhet dyqani nuk ka kamera sigurie dhe këtu nuk ka biznese, pasi ndodhen vetëm disa dyqane të vogla.

Në vitin 2016, Arjan Aliço në bashkëpunim me djalin e tij Xhino Aliço, kanë plagosur me thikë dhe sende të forta, personin me inicialet J. S., duke i shkaktuar atij dëmtime të rënda në trup dhe në kokë.

Policia sakaq ka nisur hetimet për të identifikuar personin që e ka vendosur dhe për të zbardhur ngjarjen.

‘Rreth orës 03:25, në lagjen "Skënder Libohova" Lushnjë, në derën e jashtme të një ambienti që ka shërbyer më parë si dyqan, në pronësi të shtetasit Arjan Aliço, ka shpërthyer një sasi e vogël e dyshuar lëndë plasëse. Policia njofton se për pasojë është dëmtuar vetëm dera (qepeni) i këtij ambienti. Grupi hetimor nën drejtimin e Prokurorisë Lushnjë po vijon punën për zbardhjen e ngjarjes, identifikimim dhe kapjen e autorëve.’- njofton policia.

 

Rendit zhvillimet sipas orarit:

Të Fundit Të Parat

M.Q./r.k./Shqiptarja.com

TAG:
• shperthim
• lende plasese
• lushnje
• Arjan Aliço