POP 5

Lajmet më të lexuara të 5 minutave të fundit

Kronikë

Tritoli në makinë e noteres te Komuna e Parisit dyshohet paralajmërim! Rezarta Koçi mashtronte qytetarët duke u marrë para! Report Tv zbardh 4 kallëzimet ndaj saj

Ndaj noteres Rezarta Koçi ka pasur 4 kallëzime nga qytetarë të ndryshëm, të cilët e kanë kallëzuar për mashtrim, pasi ajo ka përvetësuar shuma të konsiderueshme parash. Ndër akuzat e tjera për të cilat është kallëzuar noterja, është mospagimi i taksave dhe tatimeve, fshehja të ardhurash si dhe shpërdorim detyre

Tritoli që ju vendos makinës së noteres Rezarta Koçi mbrëmjen e kaluar dyshohet se ishte paralajmërim ndaj saj! Ngjarja ndodhi në një ndër lagjet më të frekuentuara të kryeqytetit “Komuna e Parisit”, nga personave ende të paidentifikuar, ndërsa Rezarta Koçi rezulton se kishte konflikte për çështje parash me disa persona, të cilët e kanë denoncuar në prokurori për mashtrim.

Në korrik të vitit 2019, Rezarta Koçi është kallëzuar penalisht nga I. Ç., për shpërdorim detyre dhe mashtrim, duke pretenduar se i ka përvetësuar një shumë parash, në lidhje me një pasuri të llojit hotel. Ky shtetas, bashkë me noteren, ka kallëzuar edhe Urim Pepën.

Në maj të vitit 2021, E. N. ka kallëzuar penalisht ka kallëzuar penalisht 40-vjeçaren Rezarta Koçin për fshehje të ardhurash dhe mashtrim, duke pretenduar se i ka përvetësuar një shumë parash, për një kontratë për shitje të një pasurie të paluajtshme. Në qershor të këtij viti, një tjetër person me inicialet E. Q., ka kallëzuar penalisht Rezarta Koçin për fshehje të ardhurash, mashtrim dhe mospagim taksash, duke pretenduar gjithashtu se i ka përvetësuar një shumë të konsiderueshme parash. 

Në 9 korrik të këtij viti, për Rezarta Koçin është depozituar në prokurori një tjetër kallëzim penal, sërish për mashtrim dhe përvetësim parash. Kallëzimi i fundit është bërë nga një shtetase me inicialet P. Z. Këto konflikte paralele mund të jenë një nga pistat e vendosjes së lëndës plasëse në makinën e noteres, duke i dhënë kështu një mesazh. 

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 07/11/2021 01:45

    Sikur u propozua veting per noteret? Jam kurioze, mire keta gjykatesit e prokuroret e djegur nga vetingu po hapin zyra avokatie,po noteret kur te digjen me cfare do merren?

    Përgjigju
  • Anonimi: 06/11/2021 20:03

    Dmth mashtronte njerezit, ju merrte para dhe prokuroria jone " e hekurt," bashke me policine e shtetit dhe krimin ekonomik e lejonin te bridhte me Range ne gjendje te lire. Kendej kane mbushur burgjet me fakire. Prokuroria,Gjykata dhe Policia e shtetit gjeneron krim dhe nxitin vetegjyqesine. Tani qe plasi tritoli dhe skandali do marrin ndonje mase ndalimi per kete noteren pervec hetimeve per gjetjen e bombevenesve? Do i bejne ndonje sekurstro preventive kesaj apo kjo ne kete rast eshte viktime dhe ata qe ka mashtruar nuk jane? Kam pershtypjen qe eksplozivi i eshte vene per te terhequr vemendjen e institucioneve kundrejt kesaj mashtrueseje dhe jo per ta demtuar. Njerezve ju ka plasur shpirti me pandeshkueshmerine qe ekziston sot ne shqiperi.

    Përgjigju
  • ariu noter: 06/11/2021 18:34

    kjo meriton te quhet deputete jo notere... Dakort Z.Moderator, besoj nuk shkela etikën

    Përgjigju
    • Loni: 06/11/2021 20:19

      Hahahah keto me etikat e tyre... A e kuptojne cdo te thote etike keta qe bejne edhe artikujt ketu!? Un cuditem disa momente nuk I vendosin si duket Jan pak xheloze ose si kuptojne perberjen... Hahahha noteres bravo eshte nje dive Hollywood-y duhet cmim Nobel...

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi