FIER- 23-vjeçari, Azgan Mernica, që ekzekutoi me plumb në kokë efektivin e “Shqiponjave”, Novruz Cenalia u paraqit sot në gjykatë për tu njohur me masën e sigurisë.
I veshur me antiplumb dhe i shoqëruar nga dy furgona policie, Azgan Mërnica mbërriti rreth orës 13:45 në ambientet e gjykatës se Fierit dhe doli prej aty në 15:00. Shkak për vonesën u bë refuzimi i avokatëve për të mbrojtur vrasësin e policit.
Avokati i caktuar kryesisht nga shteti, Xhevair Morina, nuk u paraqit në seancë ndaj sekretaria ka thirur me autoporlant për avokatë të tjerë. Në përfundim gjykata arriti të gjente, Arvenola Dolen, avokaten e caktuar kryesisht për realizimin e seancës së masës së sigurisë “arrest në burg”. Mbi Azgan Mërnicën rëndon akuza 'Vrasjes së punonjësit të policisë së shtetit' parashikuar në nenin 79/b të Kodit Penal, dhe 'armëmbajtje pa leje parashikuar nga neni 278/1 i Kodit Penal.
Burimet thanë se 23-vjeçari nuk ka folur në seancën me dyer të mbyllura, vetem i është përgjigjur gjyqtares Dajana Ndrea “Po” kur ajo e ka pyetur për autorësinë e krimit.
Edhe më herët, kur është marrë në pyetje nga hetuesit, ai e ka pranuar krimin e rëndë pa shfaqur pendese. Sakaq, në ambientet e jashtme të gjykatës nuk kishte asnjë familjar të tij.
Vrasja ndodhi mesditën e 13 majit 2024 kur efektivi i “Shqiponjave”, veshur me uniforme, udhëtonte nga fshati i tij Baltëz drejt Fierit. Në rrugë ndeshi rastesisht, 23 vjecarin nga fshati Sulaj, i cili me nënën pasagjere lëvizte me shpejtësi. Efektivi i bëri me shenjë të ndalonte dhe pasi zbritën të dy nga makinat iu drejtua me fjalët “ku shkon me këtë shpejtësi!”. Me pretendimin se u ndje i frikësuar, Mërnica u tregoi hetuesve se e qëlloi policin Novruz Cenalia sapo ai kthye kurrizin për të hipur në makinë. Vrasësi gjakftohte e qëlloi policin me një plumb në kokë dhe për 48 orë u fsheh në fshatrat e Fierit, pranë zonës së tij të banimit.
Rrethuar nga forcat RENEA, në pamundësi për tu larguar, pasditen e 15 Majit familjaret e dorëzuan në polici. Në videon që vete ata kanë xhiruar nga momenti i dorëzimit, shihet autori i buzëqeshur dhe aspak i penduar për vrasjen e policit 28-vjecar. Sakaq ne kete video dëgjohen familjaret që i urojnë “rrugën e mbarë” dhe kerkojne garanci nga policët që të mos e prekin ne qeli.
Familja Mërnica, me të gjithë pjesëtarët e gjinisë mashkullore, të akuzuar e dënuar për vrasje, nuk vjen për publikun, thjesht si një familje me kronologji ngjarjesh e aktesh kriminale. Por për shumë vite ata janë njohur si militantë të ashpër të opozitës, dhe së fundi pjesë në të ashtuquajtur Struktura e Armatosur për Mbrojtjen e Votës, që u ngrit nga PD në vitin 2021.
Komente
Lajme të tjera
-
Moti i keq në Fier/ Disa fshatra pa energji elektrike
22 Nëntor, 18:51 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
-
Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat
22 Nëntor, 17:00
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Aksident në aksin Petovë-Libofshë/ Makina përplaset me motorin, 1 në gjendje të rëndë! Dërgohet drejt Traumës
20 Nëntor, 18:23 -
Fier/ Vrasja me thikë e 20-vjeçarit nxënës te ‘Petro Sota’, familjarët kërkojnë hetime më të thelluara: Gjykata të kthejë dosjen në prokurori
20 Nëntor, 17:49
-
VIDEOLAJM/ ‘Dielli i Zi’ në Roskovec, spektakli magjepsës i zogjve shtegtarë
20 Nëntor, 15:05
-
Nëna denoncon në media: Kanë tentuar të më rrëmbejnë fëmijën 11-vjeç! Policia sqaron situatën për Report tv: Është trembur!
19 Nëntor, 15:30
-
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
Gjyqi ketij mund t'i behej po t'a deklaronte veten /te pafajshem/,por perderisa ky e ka pranuar krimin dhe aq me teper nuk eshte as penduar,duhet kaluar menjehere ne fazen e denimit.Nuk ka pse humbet koha dhe parate e taksapaguesve me nje gjyq qe i ka humbur vlera juridike perderisa autori e ka pranuar krimin!
PërgjigjuAzgane te marrt me vehte brenda 40 ditve shpirti i atij djali te shkrete qe i morre jeten ne lule te jetes!
Përgjigju