POP 5

Lajmet më të lexuara të 5 minutave të fundit

Kronikë

I vodhën 21.6 mln lekë UKT-së përmes rrogave të dublikuara, Prokuroria e Tiranës mbyll hetimet për 4 zyrtarët

Prokuroria e Tiranës ka përfunduar hetimet dhe ka dërguar në Gjykatë kërkesën për nisjen e gjykimit në ngarkim të 4 zyrtarëve të Ujësjellës Kanalizimeve Tiranë të akuzuar për vjedhjen e 21.6 milion lekëve përmes rrogave të dublikuara.

Prokuroria e Tiranës ka përfunduar hetimet dhe ka dërguar në Gjykatë kërkesën për nisjen e gjykimit në ngarkim të 4 zyrtarëve të Ujësjellës Kanalizimeve Tiranë të akuzuar për vjedhjen e 21.6 milion lekëve përmes rrogave të dublikuara.

Erblin Lushaj inxhinier dhe Sigi Zhuleku përgjegjës i pagave ranë në pranga për shkak të masës ‘arrest në burg’, teksa u liruan pas disa javësh në masën ‘arrest shtëpie’, ndërsa në ‘detyrim paraqitje’ janë hetuar dy faturistët Rudina Lalaj e Azem Xhaferri.

Ata u kallëzuan nga Drejtori i Përgjithshëm i UKT për veprën penale të vjedhjes duke shpërdoruar detyrën e kryer në bashkëpunim.

Vjedhja u zbulua nga një bankë e nivelit të dytë që sinjalizoi UKT-në për dublikim të emrave të punonjësve të kësaj shoqërie në procedurën e kalimit të pagave nga llogaria e UKT-së drejt bankës.

Dhe përfituesit sipas organit të akuzës ishin shtetasit Sigi Zheleku e Rudina Lalaj. Lëvizjet janë evidentuar kryesisht në periudhën Janar-Korrik 2023, ku nga auditimi i kryer rezulton se listë pagesat zyrtare së bashku me urdhër transfertat, në dukje kanë të njëjtën vlerë totale por që në të vërtetë nuk korrespondon me vlerën në urdhërin e transfertës.

Diferenca për këtë periudhë vjen si rezultat i dublikimit më shumë se dy herë i punonjësve Sigi Zhuleku e Rudina Lalaj.

Fenomeni dyshohet se është i shtrirë nga muaj Prill 2018 deri në Korrik 2023 dhe dëmi ekonomik është i konsiderueshëm, ku përfitues janë Sigi Zheleku, Rudina Lalaj, Azem Xhaferri dhe Erblin Lushaj. Prokuroria arrin në konkluzionin se shtetasi Sigi Zheleku ka përfituar në mënyrë të paligjshme, përtej vlerës së listë pagesës mbi të ardhurat nga punësimi, diferencën prej 13, 983, 504 lekë nga Prilli i 2018 në Korrik 2023. Shtetasja Rudina Lalaj për periudhën Prill 2018-Korrik 2023 ka përfituar 5, 627, 504 lekë.

Erblin Lushaj për periudhën Prill 2018-Shtator 2021, ka përfituar, 1, 616, 416 lekë.

Azem Xhaferi për periudhën Prill 2021-Korrik 2022, ka përfituar 452,446 lekë.

G.K/S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53