GREQI- Është gjetur i pa jetë në Selanik, Ylli Mera, një 51-vjeçar shqiptar, i cili ishte zhdukur pa lënë gjurmë që prej mesditës së 1 nëntorit.
Mediat greke raportojnë se trupi i pa jetë i 51-vjeçarit u gjet ditën e diel, në një pyll pranë Selanikut. Vdekja mendohet t’i jetë shkaktuar nga një plagë që kishte në këmbë, e cila dyshohet se i është shkaktuar nga një sharrë elektrike.
Policia greke nuk ka dhënë detaje të tjera lidhur me rrethanat e vdekjes së tij, ndërsa thotë se 51-vjeçari Mera shoqërohej nga një 59-vjeçar grek, me të cilin kanë dalë në mal.
Teksa vlerësohet se 59-vjeçari është një person “kyç” për zbardhjen e rrethanave të vdekjes së të huajit, kanë vijuar kontrollet në shtëpinë e tij, ku janë gjetur gëzhoja dhe për këtë është arrestuar. Për posedim të paligjshëm të një thike është arrestuar edhe djali i tij 28-vjeçar. Ata të dy iu referuan gjykimit në procedurë automatike.
Zhdukja e 51-vjeçarit shqiptar u raportua 3 ditë më parë nga familjarët e tij.
Vëllai i Ylli Merës, trupi i të cilit u gjet i pajetë në një zonë malorë në Greqi, ka folur për mediat greke në lidhje me ngjarjen e rëndë. Ai ka thënë se ende nuk kanë informacion të saktë apo zyrtar, por vetëm çfarë kanë dëgjuar nga mediat.
“Vëllain e gjetën të vdekur në mal, kishte shkuar atje me një grek, ndoshta për të prerë dru, ende nuk e dimë se çfarë ka ndodhur, por kemi dëgjuar që i është prerë këmba, aty kanë gjetur edhe sharrën elektrike. Kanë punuar bashkë me njeriun që ka shkuar në mal, por nuk di gjë më shumë, në Greqi jam vetëm unë, më vjen shumë keq për këtë ngjarje tragjike që ka ndodhur në familjen tonë, presim të mësojmë më shumë. Nga policia që po vijon hetimet.” – tha ai.
I gjithë fshati në të cilin jetonte 51-vjeçari është tronditur nga ngjarja tragjike.
"Nuk kishte burrë më të mirë. Ai jetonte prej vitesh këtu dhe nuk kishte dhënë as të drejtën më të vogël askund. Dëgjuam që Kosta (siç e quanin në Greqi) kishte shkuar në mal dhe se kishte humbur jetën, kishte shkuar. disa herë për punë, për të prerë dru. Dy burrat kishin shkuar shumë herë bashkë. Policia e gjeti në mal. Me njeriun me të cilin kishin shkuar të martën, shkonin shpesh bashkë, pothuajse çdo ditë e çonte në punë”, tregon për protothema.gr, Giorgos Tsakalidis, banor i fshatit që i njihte të dy burrat prej shumë vitesh.
Gjithashtu, siç konstatohet nga hetimet policore, 59-vjeçari ka marrë me vete celularin e viktimës dhe e ka hedhur në asfalt gjatë rrugëtimit.
Lajme të tjera
-
Tronditet Parisi! Një 77 vjeçar i armatosur hap zjarr brenda ‘McDonald’s’, një i vdekur
22 Nëntor, 17:38 -
Greqia në grevë të përgjithshme, punonjësit protestojnë për presionin e kostove të jetesës
20 Nëntor, 19:53 -
Paralizohet Greqia, sot grevë 24 orëshe në sektorin publik dhe privat
20 Nëntor, 08:21 -
E zuri korenti duke vjelë ullinjtë, humb jetën 48-vjeçari shqiptar në Korfuz
18 Nëntor, 18:34 -
‘Po flirton me Erdoganin dhe Ramën’, Mitsotakis përjashton nga partia Demokracia e Re ish-kryeministrin Samaras
16 Nëntor, 16:49 -
33 vjeçari i dha fund jetës në Gjermani, mbërrin në Fier trupi i pajetë i Dritan Lalaj
15 Nëntor, 18:00
-
Gjendet i vdekur në Beograd një nga kritikët më të zëshëm të Vladimir Putinit
13 Nëntor, 17:25 -
Greqi/ Në kërkim për vjedhjen e 7 banesave, arrestohet ‘skifteri’ shqiptar
13 Nëntor, 17:10 -
VIDEO/ Aksident i rëndë në Athinë, përplasen 2 motorë, vdes 18 vjeçari shqiptar, shpëton adoleshenti grek
12 Nëntor, 18:17 -
Trump bisedë telefonike me kryeministrin grek Mitsotakis! Qeveria greke: Në fokus bashkëpunimi mes dy vendeve
12 Nëntor, 12:53 -
E rëndë në Gjermani, shqiptari vret ish-gruan në sy të tre fëmijëve të mitur
6 Nëntor, 17:31 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18
