KOSOVË- Kreu i PDIU-së, Shpëtim Idrizi ka zhvilluar një takim me kandidatin për kryeministër në Kosovë, Albin Kurti. Siç njofton zyra e shtypit, në fokus të këtij takimi ka qenë forcimi i marrëdhënieve mes dy vende, pas fitores së Lëvizjes Vetëvendosje në zgjedhjet e 6 tetorit në Kosovë. Idrizi ka komentuar edhe krijimi e një mini shengeni mes Shqipëri-Serbisë dhe Maqedonisë së Veriut, sipas së cilit është një vendim i panevojshëm, teksa thekson se një gjë e tillë i kthen vendes pas në kohë duke e krahasuar me ish-konfederatës Jugosllave. Nga ana tjetër, duke u ndalur tek fitorja e Kurtit, Idrizi tha se edhe roli i Shqipërisë duhet të ndryshojë.
"Një përfaqësi e PDIU e kryesuar nga kryetari z. Shpëtim Idrizi u takua dje me Albin Kurtin dhe përfaqësues të lartë të Lëvizjes Vetvendosja në Kosovë.
Idrizi shprehu vlerësimin e tij për aktivitetin e Vetvendosjes në shërbim të çështjes kombëtare dhe për qëndresë e punën e Albin Kurtit për të ndryshuar gjendjen e Kosovës dikur në pushtim, e sot si një demokraci që po konsolidohet. Zgjedhjet ishin një test i kaluar me sukses e përbëjnë një model rotacioni, si për standartet që ruajtën ashtu edhe për rezultatin e tyre. Vota e qytetarëve të Kosovës solli një risi në politikën e vendit duke nxjerrë në skenë një brez të ri por me shumë përvojë politikanësh e së bashku me Vjosa Osmanin e LDK, e cila solli një risi të padiskutueshme në këto zgjedhje, do krijohet mundësia për një politikë të re e të suksesshme.
“Këto zgjedhje kane turbulluar dhe ujrat e ndenjura të kënetës së politikës Shqiptare dhe shpresoj që pranvera e Kosovës të vijë dhe në Shqipëri” theksoi z. Idrizi.
VV dhe PDIU kanë patur qysh herët një bashkpunim të suksesshëm si Parti që në fokusin e aktivitetit të tyre kanë çështjen kombëtare. Sot është momenti që bashkpunimi mes Kosovës dhe Shqipërisë të kthehet real e të kalojmë drejt një bashkimi ekonomik, që do jepte mundësinë e rritjes së punësimit dhe konsiderimin si një treg i madh e atraktiv për investimet e huaja. Gjatë takimit u diskutua lidhur me nevojën për të përafruar realisht sistemin arsimor e për të krijuar një model ekonomik që nuk ka barriera artificiale si ato që janë sot. Përtej deklaratave të zjarrta politike sot duhet të jetë koha për të vepruar në dobi të shqiptarëve me hapa real e duke realizuar rikthimin e shpresës në Shqipëri e Kosovë.
Lidhur me krijimin e të ashtuquajturit Schengen Ballkanik, z.Idrizi e vlerësoi si një hap jo të nevojshëm që rikthen nocione të vjetra politike si ajo e ish-konfederatës Jugosllave dhe theksoi se në Shqipëri është e nevojshme të shohim marrëdhëniet me Serbinë duke mbajtur gjithmonë parasysh interesin e Kosovës. Objektivi ynë kryesor është të integrohemi në Europë e jo të kërkojmë artifice që nuk ndihmojnë as Kosovën e as Shqipërinë.
Sigurisht që me një kryeministër si Albin Kurti, Tirana zyrtare do të moderojë qëndrimin e saj e nuk mundet të ushtrojë më as sjellje paternaliste e as të krijojë iluzione të epërsisë intelektuale sepse do të stononte dukshëm e do rrezikonte të bëhej qesharake.
Albin Kurti vlerësoi mbështetjen e qytarëve të Kosovës në këto zgjedhje dhe theksoi se puna e ardhshme do duhet të përqëndrohet në rritjen e mirqënies së tyre dhe rritjen e dinjitetit të shtetit të ri të Kosovës në arenën ndërkombëtare. Bashkimi ekonomik dhe përafrimi i sistemeve tona arsimore e ekonomike duhet të jenë prioritet real në punën tonë", shkruhet në njoftimin e shpërndarë për mediat nga zyra e shtypit të PDIU-së.
Lajme të tjera
-
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Shqipja në Maqedoninë e Veriut: Çfarë po e pengon zbatimin e Ligjit për gjuhët?
21 Nëntor, 16:54
-
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06
