Igli Tare rrëfen 'dështimin' e tij te Lazio, mbrojtësi serb u bashkua këtë sezon me Milanin

Igli Tare, ish-drejtori sportiv i Lazios në Serie A e ka një peng dhe ai është mbrojtësi serb Strahinja Pavlovic. Pesë vite më parë Lazio ishte e gatshme të paguante 5 milionë euro për të marrë të riun 18-vjeçar (asokohe), por dështimi në testet fizike bëri që djaloshi i Partizanit të Beogradit të përfundonte te Monaco një vit më vonë.

Tanimë në moshën 23-vjeçare, Pavlovic u bashkua me Milanin dhe në tre ndeshjet e para gjeti golin, pikërisht kundër Lazios, ekip që i besoi pesë vite më parë, por që marrëveshja nuk u finalizua për shkak të dështimit në testet fizike.

Në një intervistë të fundit, Igli Tare tregon detajet për këtë episod, teksa sot mbrojtësi cilësohet si një talent në prapavijë dhe vlen 25 milionë euro.

Igli Tare, çfarë lojtari ke gjetur në krahasim me atë kohë?
Ai ishte pak a shumë i njëjti lojtar që është tani. Ai pati një karrierë të rëndësishme dhe ndërkohë mes Mynihut dhe Salcburgut luajti shumë ndeshje në Champions, fitoi disa trofe dhe mbërriti në Milano në moshën e duhur për t’u shprehur sa më mirë.

Ndjesitë janë ato të gjetjes së një mbrojtësi niveli.
Mendoj se ka ende shumë për të përmirësuar në futbollin elitar, sepse është një lojtar i kompletuar në disa mënyra, por në fazën mbrojtëse duhet ende të përmirësojë diçka.

A është i ekzagjeruar krahasimi me Stamin?
Në mënyrën time për t’i parë gjërat, ata kanë dy mënyra krejtësisht të ndryshme për t’u shprehur: Stam ishte një qendërmbrojtës tipik, ndërsa Pavloviç është një lojtar që gjithashtu e do fazën sulmuese, duke qenë protagonist edhe për sa i përket golave dhe asisteve.

Pesë vjet më parë ai mund të shitej për 5 milionë, sot ai u shit për më pak se 20.
Problemi në futboll është se pas 3-4 ndeshjesh nuk ke kohë të bësh analiza. Ai tregoi se e meriton të veshë fanellën e Milanit. Nga tani e tutje duhet të përpiqet të përmirësohet më tej, sepse të luash për Milanin do të thotë të luash për të fituar.

Ju ishit i pari në Itali që e pikasët. Si lindën kontaktet me Pavloviçin?
Së bashku me zbuluesit e klubit kishim vënë re se ai ishte një djalë i ri me perspektiva të mëdha dhe kuptuam se një lojtar si ky, në futbollin italian ku shkolla e mbrojtësve është më e mira në botë, mund të rritet shumë dhe të bëhet një lojtar i nivelit të lartë.

Përse vizitat mjekësore ndaluan gjithçka?
Kontratat ishin bërë, marrëveshjet dhe gjithçka. Kështu shkoi dhe të them të drejtën nuk më pëlqen t’i kthehem çështjes sepse sa më shumë e mendoj aq më shumë pendohem. Është pjesë e së kaluarës, unë jam ende i kënaqur me rrugën e tij dhe që ai arriti të shkojë në Serie A.

Pas punës së shkëlqyer te Lazio, a do t’ju gjejmë së shpejti në pistë?
Konfirmoj se dua shumë të kthehem në punë, por do ta bëj këtë vetëm kur të ketë projektin e duhur që më emocionon.

Disa vite më parë u fol edhe për Milanin për ju?
Preferoj të mos flas për këtë temë.

S.Dh/Shqiptarja.com

TAG:
• serie a
• Milan
• lazio
• Strahinja Pavlovic
• Igli Tare