IGUMENICE - Një sasi prej 151,2 kg lëndë narkotike është sekuestruar brenda nja automejti, që i pëkiste Ministrisë së Drejtësisë Greke.

Automjeti tip Citroen me targa KY 6465Z, u ndalua nga policia në Iguminecë në vijën jeshile të kufirit shqiptaro-grek ndërkohë, që gjatë kontrollit u zbulua dhe sasia e lëndes narkotike.

Lënda narkotike e llojit marijuanë ishte fshehur në pjesën e pasme të bagazhit, ndërsa ishte paketuar dhe mbështjellë me letër natriban dhe futur në katër canta të mëdha të zeza.

Policia ka ndaluar drejtuesin e mjetit, një shtetas grek 48 vjecar, ndërsa nuk ka të dhëna për identitetin e tij dhe nëse është pjesë e administratës së Ministrisë së Drejtësisë në vendin fqinj.

Policia po merr në pyetje të ndaluarin për të zbuluar dhe pjesëtarët e tjetër të këtij rrjeti trafiku.

Ndërkohë që mësohet se droga vinte nga Shqipëria, ndërsa destinacioni përfundimtar ishte kryeqyteti grek Athina.

(ad.ti/e.b/shqiptarja.com)