Ikën drejtoresha e Aviacionit Civil, Edlira Kraja, në vend të saj drejtori i Divizionit Teknik në 'Albcontrol'

Nga sot, Maksim Et’hemaj do të jetë në krye të Autoritetit të Aviacionit Civil. Vendimi është marrë ditën e sotme nga Këshilli i Ministrave, i cili zëvendëson në këtë post Edlira Krajën. 

Kjo e fundit e ka mbajtur pozicionin e drejtoreshës prej prillit të vitit të kaluar, kohë kur u largua nga detyra Krislen Keri, në kulmin e pandemisë, e ndërsa Et’hemaj ka mbajtur më parë postin e drejtorit të Divizionit Teknik në “Albcontrol”. 

"Emërimin e drejtorit ekzekutiv të Autoritetit të Aviacionit Civil. Në mbështetje të nenit 100 të Kushtetutës dhe të pikës 1, të nenit 12, të ligjit nr.10233, datë 11.2.2010, “Për Autoritetin e Aviacionit Civil”, të ndryshuar, me propozimin e ministrit të Infrastrukturës dhe Energjisë, Këshilli i Ministrave. Vendosi: Z. Maksim Et’hemaj emërohet drejtor Ekzekutiv i Autoritetit të Aviacionit Civil. Ky vendim hyn në fuqi menjëherë dhe botohet në “Fletoren zyrtare”", thuhet në vendim. 

LEXO EDHE:
Amnistia Penale, debat në ‘Frontline’, Manja: Vetëm 4 zyrtarë të ulët përfitojnë! Spaho: Nëse doni ta votojmë, na jepni bashkëkryetarin e ‘Zgjedhores’! Xhafaj: Kërkoni pazare

Këshilli i Ministrave  vendosi edhe që anëtari i këshillit drejtues të Aviacionit Civil, Etjen Xhafaj të zvendësohet nga Genc Resuli. Ky vendim është marrë me propozim të Ministrit të Infrastrukturës dhe Energjisë, Belinda Balluku.

B.K./Shqiptarja.com

TAG:
• Etjen Xhafaj
• autoriteti i aviacionit civil
• Genc Ruli
• edlira kraja
• maksim ethemaj