POP 5

Lajmet më të lexuara të 5 minutave të fundit

Kronikë

Ikën nga drejtësia gjyqtari i Beratit Kostika Çobanaqi, një muaj pasi Vetingu i dërgoi dosjen e hetimit

Shkon në 56 numri i gjyqtarëve dhe prokurorëve të dorëhequr nga frika e Vetingut, gjyqtari i Beratit u larguar pasi KPK i dërgoi barrën e provës për të kundërshtuar rezultatet e hetimit.

Ikën nga drejtësia gjyqtari i Beratit Kostika Çobanaqi, një muaj pasi Vetingu i dërgoi dosjen e hetimit

Gjyqtari i Beratit, Kostika Çobanaqi nuk do të jetë më pjesë e drejtësisë. Gjyqtari ka dhënë dorëheqjen nga detyra në dhjetor të vitit 2020. Shkaku i dorëheqjes dyshohet të jetë procesi  Vetingut. Verifikimi i trefishtë për gjyqtarin e Beratit kishte nisur që në nëntor të vitit 2019. Në 12 nëntor të vitit 2020, Komisioni i Pavarur i Kualifikimi, organi bazë i Vetingut, i ka dërguar gjyqtarit dosjen me rezultatet e hetimit, ndërsa i ka kaluar atij barrën e provës, për të shpjeguar të kundërtën e rezultateve të hetimit në ngarkim të tij. Në një kohë kur KPK priste shpjegimet, është informuar është informuar nga gjyqtari se kishte paraqitur pranë Këshillit të Lartë Gjyqësor, kërkesën e tij për dorëheqje, e cila është pranuar.

Vendimi i pranimit të dorëheqjes nga KLGJ është marrë në 10 dhjetor 2020. Një ditë më parë, Komisioni i Pavarur i Kualifikimit, është mbledhur ku ka vendosur të ndërpresë procesin e Vetingut për gjyqtarin Çobanaqi. Në të njëjtën kohë, KPK ka vendosur të përjashtojë gjyqtarin për 15 vjet nga e drejta për t’u bërë pjesë e drejtësisë. Emri i gjyqtarit është përfolur në një dosje të Krimeve të Rënda. Në vitin 2018, Mati Simoni dhe Gjergji Bumbli, janë dënuar përkatësisht me 6 dhe 8 muaj burgim për akuzën e ndikimit të paligjshëm ndaj gjyqtarit për të favorizuar një të pandehur në gjykim.

Prokurori mori në pyetje gjyqtarin Çobanaqi, i cili ka thënë se atë vit ka gjykuar rreth 400 çështje dhe se nuk e mbante mend rastin në fjalë. Prokuroria nuk gjeti asnjë provë kundër gjyqtarit. Ndërkaq, me largimin e Kostika Çobanaqit, shkon në 56 numri i gjyqtarëve dhe prokurorëve, të cilët kanë dhënë dorëheqjen nga drejtësia që kur ka nisur zbatimi i ligjit të Vetingut.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Andy: 15/01/2021 19:33

    Të gjithë këta " gjyqëtar " ( më kurse të Saliut)" duhet të marrin atë drejtësi të tillë siq edhe vetë e prejudikonin

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

10 Janar, 18:15