Një ditë më parë, Fotaq Bala, në lot, pa fadromat e IKMT-së duke i shembur para syve bizneset dhe pronat në Jalë, ndërsa të njëjtin fat ka patur sot edhe shtëpia e tij.
IKMT ka ndërmarrë sot aksionin për të shembur në Jalë banesën në pronësi të Fotaq Balës, ndërsa familjarët debatuan me punonjësit e IKMT me argumentin se ata ishin paraqitur për të shembur objektin pa një njoftim. Ata shprehen se pranojnë prishjen e godinës, në momentin që njoftohen 10 ditë përpara.
"Njoftimin, nuk ke njoftim, t'i duhet të më lajmërosh 10 ditë më parë dhe pastaj të vish. Prishe ndërtesën, ja ku e ke, por mua më njofto dhe hajde pas 10 ditësh. Nga sot pas 10 ditësh duhet të vini të prishni objektin", shprehen ata.
Ndërkohë, Fotaq Bala thotë se tashmë kanë mbetur në qiell të hapur.
"Në gjykatë jemi me IKMT me Ministrin, 3 vite nuk erdhën në gjykatë. Unë ça të bëj tani, ku të vete? Nuk kam as shtëpi asgjë. Këta që më shkatërruan pronën, të më gjejnë zgjidhje. Jam ne qiell të hapur tani nuk di si të veproj s'di ku ta gjej të drejtën, i bëj thirrje kryeministrit, Ambasadës Amerikane për strehim jam jashtë dhe shtëpia e prindërve është e dëmtuar me lagështirë nuk jetohet. Jam jashtë", u shpreh ai.
Vëllai i tij, Artan Bala, tha se për "Sot Live në Shqipëri" se janë lënë në mënshirë të fatit, teksa pretendon se vendimi për prishjen e ndërtesave, ishte i paligjshëm. Ai pretendon se kanë dokumente që janë pronarë të ligjshëm të tokës prej rreth 10 mijë metra katrorë. Këtë tokë e pretendon Ministria e Mbrojtjes se gjendet pranë kavalishencës, por kjo është mohuar nga Bala.
Artan Bala është një prej familjeve që janë prekur më së shumti nga aksioni i IKMT-së, që po vijon prej 2 ditësh në Jalë. Pamjet e vëllait të tij Fotaq Bala, i cili i dridhej buza nga lotët që s’mund t’i mbante kur shihte se si fadroma po i shkatërronte shtëpinë nuk mund të harrohen lehtë, teksa sot Artani thotë për Report Tv, në "Sot Live në Shqipëri" se kanë dokumente që janë pronarë të ligjshëm të tokës prej rreth 10 mijë metra katrorë. Këtë tokë e pretendon Ministria e Mbrojtjes se gjendet pranë kavalishencës, por kjo është mohuar nga Bala. Ai thotë se tashmë së bashku me familjen e tij është lënë mes katër rrugëve.
“Na kanë lënë në mëshirë të fatit, IKMT ka filluar një aksion të jashtëligjshëm, na ka dhunuar banesën pa asnjë mandat, me justifikimin se do heqin disa interte, pastaj dalin se do prishin 2-3 objekte të paligjshme, ne i kemi thënë që janë të ligjshme, dje në darkë na solli një vendim qorrazi në orën 4 të pasditen.
Para 3 vjetësh ishte vendosur një mbivendosje, sikur ne i kishim bërë ndërtimet në ministrinë e Mbrojtjes, ne e kemi provuar se jemi pronar të ligjshëm, dhe e ka rrëzuar pretendimet e tyre Gjykata, prona është e ligjshme dhe jemi të gatshëm që të përballemi me ministrinë e mbrojtjes, jo që IKMT të na bëjë reprezalje, s’kemi ku të jetojmë.
Këto veprime si para 3 vitesh edhe tani janë të jashtëligjshme, jemi qytetarë të shtetit shqiptar, por ama do të ndërmarrim të gjitha hapat ligjor me ligjet e shtetit.
Prona e hipotekuar që në vitin 1992, flas vetëm me dokumente dhe vetëm me fjalë, ka një sipërfaqe prej 10 mijë metra katrorë . Do të vazhdojmë me procese gjyqësore, të fillojë SPAK, Prokuroria e Vlorës që mban dosjen 3 vjet në sirtar, do vazhdojmë anën lidhore, me këta diversantë që po vijnë të na shkatërrojnë pronën.
Godinat janë bërë shumë herë para se të hynte legjislacioni i IKM, ndërsa një tjetër është dëmtuar që në ’40. Është e dyta herë që përjetojmë këtë fatkeqësi, gjendemi në mëshirë të fatit, nuk kemi ku të shkojmë, duan të na prishin dhe banesën ku jeton ai me vëllain tonë, kemi lënë fëmijët rrugëve, kështu është situata, dhe në Afganistan të ishim do ishin marrë masa më të mira për ne”, tha Bala për Report Tv.
Lajme të tjera
-
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20 -
Zyrtare/ Bruno Telushi rikthehet në shtëpi pas 7 vitesh, firmos me Flamurtarin
26 Dhjetor, 10:55 -
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
-
Moti i keq, frika nga reshjet e dendura, bashkia Vlorë bën thirrje qytetarëve: Mos parkoni makinat në këto zona
23 Dhjetor, 09:09
