Inspektorati i Lartë i Deklarimit dhe Kontrollit të Pasurive bën me dije nëpërmjet një njoftimi për mediat ditën e premte se ka vendosur masa administrative dhe paraqiti pranë organit të akuzës, kallëzim për ndjekje penale për disa zyrtarë për veprat penale të parashikuara nga neni 257/a/1 dhe 2, si dhe neni 287 i Kodit Penal për disa zyrtarë.

ILDKP vë përballë përgjegjësisë administrative dhe kallëzon në prokurori, disa zyrtarë si, Gazmir Spahija, ish-Drejtor i Përgjithshëm në D.P.Tatimeve, Ismail Muça, ish-Drejtor në D.P.Tatimeve, Ines Nurja, ish-Drejtor i Institutit të Statistikave, Anesti Dhimojani, ish-Kryetar i Këshillit të Qarkut Vlorë, Lekë Bibaj, Kryetar i Komunës Hajmel, Qarku Shkodër, Bajram Yzeiraj, ish-këshilltar, Ministria e Punëve të Brendshme, Nikoll Rica, ish-Këshilltar, Ministria e Punëve të Brendshme, Rezart Bejkaj, ish-Drejtor i Marrëdhënieve me Jashtë, Ministria e Mbrojtjes.

ATSH