Ilir Meta i tregon me Berishën edhe për Srebrenicën: I zhgënjyer nga vota kundër e mazhorancës (Çështja nuk u fut në kalendar)

Presidenti Ilir Meta nuk ka zhgënjyer edhe këtë herë. Në një reagim në Facebook, Meta ka shkruar se ndjehet i zhgënjyer nga votimi sipas tij kundër Rezolutës së poropozuar nga Berisha. Por në fakt sot nuk është votuar kundër rezulotës, por nuk është pranuar futja në kalendar shqyrtimi i saj.

“Tejet zhgënjyes votimi kundër i mazhorancës ndaj projekt-rezolutës së paraqitur në Kuvendin e Shqipërisë për njohjen dhe dënimin e gjenocidit të serbëve të Bosnje-Hercegovinës në Srebrenicë në korrik të 1995.

LEXO EDHE:
Jakin Marena: Dorëheqja e Biden dhe ... ‘thonjtë’ e Berishës në ‘fytin’ e PD

Në kushtet e agresionit të paprovokuar dhe të pajustifikueshëm rus kundër Ukrainës, dhe kur në rajonin tonë vërehen përpjekje të shtuara për të mohuar gjenocidin serb në Srebrenicë dhe për të glorifikuar kriminelët e luftës, seanca e sotme e Kuvendit të Shqipërisë do të duhet të shprehte me solemnitet dhe vendosmëri të plotë vullnetin e patjetërsueshëm të popullit shqiptar kundër gjenocidit barbar, që mori jetët e 8372 njerëzve në Srebrenicë. 

Jam tejet i keqardhur që deputetë të Kuvendit të Shqipërisë shtrembërojnë në mënyrë të pamerituar dhe nuk përfaqësojnë vullnetin e qytetarëve shqiptarë, të cilët e kanë treguar me vepra se janë kundër spastrimeve etnike, dhe në mbrojtje të lirisë dhe dinjitetit njerëzor”, shkruan Meta.

Lajmi kryesor:

Rezoluta e Berishës për Srebrenicën, Rama: Lojë e ulët e një të korruptuari e minues i demokracisë! Gjithkush e njeh si thyersi i embargos ndaj Millosheviçit

K.T./Shqiptarja.com

TAG:
• Kuvendi i Shqiperise
• Berisha ne listen e zeze te SHBA
• sali berisha
• edi rama