Iluzionet e humbura të ithtarëve të bashkimit

Opozita shqiptare që prej shpalljes së Sali Berishës “non grata” prej SHBA-së është nën një agresion të egër për ta marrë kontrollin e saj. Nga Sali Berisha dhe Ilir Meta.

Kjo është realisht ndoshta beteja më e rëndësishme e 30 vjeçarit shqiptar, pasi është Shansi të prodhojë një rezultat të frytshëm për të tronditur tektonikisht kastën e vjetër në këtë vend.

Ka thuajse një vit që po zhvillohet një betejë mes të resë dhe të vjetrës, betejë që ka parë thuajse të gjitha mjetet, që nga intrigat e shitblerjet, deri tek dhuna fizike e sulmet me mjete të forta.

LEXO EDHE:
PD kërkon qeveri teknike, Kikia: Protestat e opozitës, modeste për ta detyruar mazhorancën të pranojë! Partitë e reja janë një realitet i ri në politikë

E kjo betejë, do të shënojë realisht të ardhmen jo vetëm të opozitës, por edhe të politikës shqiptare. Ndaj sjellja e protagonistëve që ndodhen në këtë mjedis në fushë do të përcaktojë të ardhmen e tyre.

Ka disa aktorë në fushë, si brenda Partisë Demokratike, ashtu edhe në radhët e partive aleate, por që janë personazhe të rëndësishme në këtë mjedis që po tentojnë të qëndrojnë “në mes”, duke mbajtur një qëndrim spektatori ndaj përplasjes ose duelit që po zhvillohet mes Sali Berishës dhe grupit qëndrestar që drejtohet nga Enkelejd Alibeaj.

Kjo është një betejë e pastër politike, përfundimi i së cilës do të sjellë ndoshta zhvillimin më të rëndësishëm për opozitën, sesa i ashtuquajturi bashkim fals, siç thonë mjaft prej personazheve të këtij mjedisi politik.

Këtu nuk bëhet fjalë për një bashkim arithmetik, pasi asnjëherë vota në zgjedhje nuk ka qenë një mbledhje numrash por një sinjal politik të qartë, që duhet lexuar si duhet.

Në zgjedhjet e 25 prillit 2021, Partia Demokratike mori nga zgjedhësit shqiptar një rezultat shumë të rëndësishëm, por asnjëherë e askush nuk e ka lexuar siç duhet. 

Në PD u kthyen thuajse totalisht të gjitha votat që kishin shtektuar në partinë e Ilir Metës prej vitesh, e kështu i dhanë mundësinë e ngritjes së një opozite alternative pas skkandalit të djegies së mandateve dhe bojkotit të zgjedhjeve. 

Nëse PD nuk mori dot fitoren në zgjedhje, përgjigja është qënia e Sali Berishës dhe Ilir Metës si dirigjentë dublantë, e kjo shihet thuajse në të gjitha sondazhet që bëhen.

Kështu, edhe në këtë përplasje ithtarët e bashkimit, janë ose të mërzitur me pozicionet që kanë ose i bëjnë me sy grupit të Berishës.

Partia Demokratike nuk është ndarë as nga Alibeaj e as nga Lulzim Basha, pasi ish-kreu i PD-së dha dorëheqjen si një sinjal i fortë politik për të mos u përçarë. Ishte Sali Berisha që nuk e pranoi atë mesazh dhe u turr të marrë PD-në. Një pjesë deputetësh, e çfarë është më e rëndësishmja një pjesë e madhe e strukturave të Partisë Demokratike qëndruan dhe nuk pranuan zaptimin nga foltorja. 

E kjo betejë zhvillohet ditë për ditë, ku me intensitet më të madh e ku më të vogël. Fundi i kësaj beteje ose do të nxjerrë një opozitë të re në vend, ose këtë copë të PD-së do ta marrë Sali Berisha e Ilir Meta e gjithçka do të jetë si më parë. Por kush fiton nga të dyja palët nuk ka nevojë për “sehirxhinjtë” e bashkimit që kanë ndezur cigaren me zjarrin e ndezur brenda opozitës.

TAG:
• sali berisha
• ylli pata
• PD

Sondazhi i ditës:

Si ka qene per ju viti 2024?

• I mire

  43.9%

• I keq

  22.8%

• As i mire as i keq

  33.3%

Vota total: 1516

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq