POP 5

Lajmet më të lexuara të 5 minutave të fundit

Politikë

Ina Zhupa: Gjykimi për koncesionin e Butrintit do vazhdojë, KLSH ndryshoi qëndrim

Deputetja demokrate Ina Zhupa njoftoi për mediat se çështja e ‘Butrinit’ do të vazhdojë. Ajo foli pas seancës nga Gjykata Kushtetuese ku tha se Avokati i Popullit nuk i ndryshoi parashtrimet

Deputetja demokrate Ina Zhupa njoftoi për mediat se çështja e ‘Butrinit’ do të vazhdojë. Ajo foli pas seancës nga Gjykata Kushtetuese ku tha se Avokati i Popullit nuk i ndryshoi parashtrimet e tij ndërsa KLSH bëri të kundërtën. Ajo shtoi se ka afat deri më 8 tetor ndërsa garantoi se do ta fitojë çështjen e Butrintit në Gjykatë Kushtetuese. 

“Avokati i Popullit i qëndroi qëndrimit të vetë dhe nuk i ndryshoi parashtrimet e tij. Jam e zhgënjyer dhe dua të di presionet që janë ndërmarrë ndaj KLSH që ka humbur sot çdo besim si organ i pavarur nga qeveria.

Pa ndryshuar asnjë gërmë, KLSH ndryshoi qëndrim sepse kështu ka folur me Elva Margaritin. Ky ishte thjesht një kërcënim dhe rrugë jo ligjore për të ndryshuar qëndrimin e KLSH-së. Gjykimi do të vazhdojë, kemi afat deri në 8 tetor. Butrinti do të fitojë dhe GJK do jetë deri në fund para provave dhe fakteve sesi është rrezikuar trashëgimia jonë kombëtare me këtë koncesion famëkeq në Butrint”, u shpreh ajo.

Kujtojmë se Gjykata Kushtetuese rrëzoi më 11 korrik 4 nga 5 kërkesat e deputetes Ina Zhupa gjatë shqyrtimit të koncesionit të Parkut të Butrintit, mes të cilave atë për pezullimin e marrëveshjes për menaxhimin e tij, të miratuar javën e fundit të majit në Parlament. Kushtetuesja vendosi të pranojë vetëm njërën prej kërkesave, atë për vënien të dispozicion të korrespondencës së Ministrisë së Turizmit me UNESCO-n-n, e cila sipas Zhupës është mashtruar nga shteti shqiptar.

Zhupa parashtroi një sërë kërkesash:

  • 1.       Të gjitha komunikimet zyrtare mes shtetit shqiptar me UNESCO, që lidhen me koncesionin e Butrintit;
  • 2.       Thirrja e dëshmitarëve për çështjen, ekspertë të fushës dhe njohës të Trashëgimisë Kulturore të Butrintit;
  • 3.       Kërkojmë thirrjen e fondacionit shqiptaro-amerikan, kërkojmë të thirret adf, si subjekt i interesuar;
  • 4.       Moslegjitimimi i fondacionit për menaxhimin e Butrintit, si i pabazuar në ligj;
  • 5.       Pezullimin e vënies në zbatim të marrëveshjes;

Para disa muajsh kuvendi miratoi me 75 vota pro, 18 kundër dhe 1 abstenim marrëveshjen për menaxhimin e Parkut Kombëtar të Butrintin nga fondacioni shqiptaro-amerikan AADF, në të cilën bën pjesë edhe shteti. 

Marrëveshja synon zhvillimin e Parkut të Butrintit, dhe kthimin e tij në një pikë të rëndësishme turistike. Fondacioni për menaxhimin e Butrintit krijohet në partneritet me Fondacionin jo shtetëror Shqiptaro-Amerikan për Zhvillim (AADF) dhe do të përbëhet nga 5 anëtarë, 2 prej të cilëve nga Ministria e Kulturës, 2 të tjerë nga partneri strategjik AADF, ndërsa një i pestë është arkeologu i huaj britanik Richard Hodges. Kontributi fillestar financiar i partnerit strategjik është 5 milionë dollarë, ndërsa ai i Ministrisë së Kulturës, 2 milionë dollarë.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33