POP 5

Lajmet më të lexuara të 5 minutave të fundit

Politikë

Për herë të parë pamjet brenda bazës ajrore e NATO-s në Kuçovë! Gati të përurohet më 4 mars! U investuan 55 milionë euro (VIDEO)

Deri më 4 mars, ditë kur do të kryhet inaugurimi, gjithçka në bazën ajrore të NATO-s në Kuçovë do të jetë gati. Gjeneral Brigade Ferdinand Dimo thotë se po përfundohet sistemi i rrethimit dhe i sigurisë, po ashtu edhe i mbrojtjes perimetrale të bazës, ndërkohë që janë publikuar për herë të parë pamjet brenda godinës.

Përgatitjet e bazës së NATO-s në Kuçovë janë drejt fundit dhe për herë të parë Ministria e Mbrojtjes ka publikuar pamjet e brendshme kësaj godine. Komandanti i Forcës Ajrore, Gjeneral brigade Ferdinand Dimo tregon se funksionet që do të kryejë kjo bazë me t’u vënë në punë.

“Jemi në përfundim të të gjitha punimeve që trupat e  Forcës Ajrore të stërviten në këtë bazë. Por jo vetëm kaq, trupat e NATO-s dhe mjetet fluturuese të NATO-s mund të akomodohen, të stërviten dhe të fluturojnë duke u nisur nga baza ajrore e Kuçovës, që tashmë është një bazë ajrore taktike e NATO-s”.

Ministri i Mbrojtjes, Niko Peleshi, shkruan se kjo bazë do të luajë një rol kyç në mbështetjen e operacioneve dhe stërvitjeve të NATO-s.

“Edhe pak ditë nga përurimi i Bazës Ajrore Taktike të NATO-s në Kuçovë, e cila do të luajë një rol kyç në mbështetjen e operacioneve dhe stërvitjeve të NATO-s. Kjo bazë do të shërbejë si qendër për aktivitetet e Forcës sonë Ajrore, duke ofruar infrastrukturë të avancuar për avionët luftarakë dhe ata të transportit të Aleancës. Ky hap shënon një fazë të re në forcimin e kapaciteteve tona për bashkëpunim ndërkombëtar dhe siguri rajonale”, shkruan Peleshi në Facebook.

Baza taktike e NATO-s në Kuçovë do të shërbejë edhe në zhvillimin ekonomik të të gjithë qarkut të Beratit.

“Ndërtimi i bazës ajrore të NATO-s në Kuçovë ka një impakt të jashtëzakonshëm zhvillimor në komunitet dhe në të gjithë hapësirën e qarkut të Beratit”, shprehet Gjeneral brigade Ferdinand Dimo.

Ai tregon edhe hapat e deritanishëm, që nga momenti kur u vendos se në Kuçovë do të ndërtohej një bazë ajrore për NATO-n.

“Në vitin 2021 u parashikuan të kryheshin investimet për rivitalizimin e instalimeve të bazës së Kuçovës. Tashmë sot jemi në përfundim të implementimit të 3 projekteve të rëndësishme siç është sistemi i rrethimit dhe i sigurisë, po ashtu edhe i mbrojtjes perimetrale të bazës. Nga NATO janë të investuara afërsisht 50 milionë euro dhe më shumë se 5 milionë euro janë të investuara nga qeveria shqiptare”, sqaron Komandanti i Forcës Ajrore.

Baza Ajrore e Kuçovës do të inaugurohet më 4 mars, sipas planit të parashikuar. Në ceremoni do të marrin pjesë përfaqësues të lartë të shtetit shqiptar, të NATO-s dhe SHBA.

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Entel: 02/03/2024 10:32

    Baza nuk ka asnje lidhje me zhvillimin ekonomik te kucoves. Sic ishte do jet.. pervec se do ket ca zhurem si dikur.

    Përgjigju
  • Alb: 25/02/2024 15:53

    I shalla do kemi pilote shqiptare, si dikur

    Përgjigju
  • Tonton: 25/02/2024 13:18

    Ç'i do spiunët rusë kur e reklamojnë vet

    Përgjigju
  • LORA: 25/02/2024 12:23

    Lajm i shkelqyer,per garantimin e sigurise se shtetit tone.

    Përgjigju
    • A...Zh: 25/02/2024 15:03

      Per fat te keq Vlora ka te drejte. Nga mbi 200 avion luftarak deri ne vitin 90, tani zero.

    • Vlora: 25/02/2024 14:02

      O Lora eshte baze per avionet grek e Italiane se ne vetem pordhat na kane ngel. Ne jemi rojat e tyre me kallash.

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51