POP 5

Lajmet më të lexuara të 5 minutave të fundit

Kultura

Inaugurohet Muzeu Mesjetar i Korçës
Rama: Asnjë ikonë s'do humbasë më

250 objekte dhe ikona do të ekspozohen në Muzeun Mesjetar të Korçës. Kryeministri Edi Rama, i cili ishte i pranishëm në ceremoninë e inagurimit të këtij Muzeu ka vlerësuar të gjithë ata që janë angazhuar për mirëmbjatjen e këtij koleksioni ndërsa tha se pjesë e kësaj pasurie që do të ekspozohet në Muze, do të jenë edhe veprat e Onufrit.  VIDEO  FOTO
250 objekte dhe ikona do të ekspozohen në Muzeun Mesjetar të Korçës. Kryeministri Edi Rama, i cili ishte i pranishëm në ceremoninë e inagurimit të këtij Muzeu ka vlerësuar të gjithë ata që janë angazhuar për mirëmbjatjen e këtij koleksioni ndërsa tha se pjesë e kësaj pasurie që do të ekspozohet në Muze, do të jenë edhe veprat e Onufrit.

 Rama tha se Muzeu ka pësuar një transformim rrënjësor, pas viteve të tëra të lëna në harresë.
 
"Ne kemi bërë për trashëgiminë kulturore aq sa nuk është bërë për 25 vjet të marra sëbashku. Me punën tonë në detyrë, jo vetëm ky Muze, që priste dorën e qeverisë bashkë me koleksionin që mbrohej me stoicizëm, por dy muze, ai i Gjirokastrës dhe Beratit hynë në listën e zezë të UNESCO-s. Sot nuk janë më, pasi kemi investuar në to", u shpreh kryeministri.

Sipas kryeministrit, Qeveria i ka kushtuar një vëmendje trashëgimisë kulturore ndërsa siç tha ai tashmë asnjë ikonë nuk do të humbasë më, ndërsa ironizoi ish-kryeminsitrin Berisha, i cili sipas tij më herët ka kërkuar mbylljen e këtij Muzeu.

"Ka ende shumë punë, por asnjë vepër nuk rrezikon të zhduket. Për herë të parë pas 20 e ca vitesh, u bë inventari i monumenteve dhe për herë të parë u krijua lista kombëtare e veprave të artit. Jam i bindur se kushdo që do të vijë në Korçë nesër do të ketë një arsye të fortë që është ky Muze fantastik. Për korçarët, Muzeu nuk do të jetë vetëm një kartëvizitë krenarie për atë që kjo zonë ishte dikur, por do të jetë edhe një tjetër instrument i fuqishëm i rritjes ekonomike, cilësisë së jetës sociale të këtij qyteti, ndryshe nga sa thonte paraardhësi im se ky Muze duhet mbyllur", tha Rama. 

Në këtë ceremoni ishin të pranishëm ministrja e Kulturës, Mirela Kumbaro, Drejtori i Muzeut të Korçës, kreu i bashisë, Sotiraq Filo si dhe artistë e intelektulë jo vetëm korçarë.

Fjala e Kryeministrit Edi Rama në ceremoninë e Çeljes së Muzeut në Korçë

[gallery]18936[/gallery]


Redaksia Online
l.q/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55