POP 5

Lajmet më të lexuara të 5 minutave të fundit

Kronikë

Inceneratori i Elbasanit/ Apeli i GJKKO ashpërson dënimin me burg për ish-ministrin Lefter Koka, dënohet dhe Alqi Bllako, prishet pafajësia! Shtohet akuza për shpërdorim detyre (VENDIMI)

Lefter Koka dënohet me 10 vite burg me gjykim të shkurtuar, duke u konvertuar në 6 vite e 8 muaj izolim. Ish-deputeti Alqi Bllako dënohet me 4 vjet burg, me gjykim të shkurtuar kthehet në 2 vjet e 8 muaj burg. Për 7 të akuzuarit e tjerë nuk ka ndryshime dënimi. Kthehet vepra e "shpërdorimit të detyrës". Konfiskim dhe pasurive

Tiranë- Gjjykata e Posaçme e Apelit ndryshoi sot vendimin për ish-ministrin e Mjedisit, Lefter Koka në lidhje me inceneratorin e Elbasanit duke e shpallur fajtor edhe për akuzën e shpërdorimit të detyrës siç kishte kërkuar SPAK dhe rritur me 1 vit burg dënimin.

Në përfundim Ish-ministri Lefter Koka u shpall fajtor dhe u dënua me 10 vite burg. Për shkak të gjykimit të shkurtuar, dënimi konvertohet në 6 vite e 8 muaj burg. Në Shkallën e Parë,  u dënua me 8.6 vite burg, por me gjykim te shkurtuar Koka përfundimisht do të kryente 5 vite e 6 muaj burg.

Edhe për Alqi Bllakon ka ndryshim vendimi. “Apeli” i Posaçëm e shpalli fajtor për shpërdorim detyre duke e dënuar me 4 vite burg, akuzë për të cilën GJJKO e shpalli të pafajshëm. Për shkak të gjykimit të shkurtuar dënimi i konvertohet në 2 vite e 8 muaj burgim.

Për 7 të akuzuarit e tjerë biznesmenët Klodian Zoto dhe Stela Gugallja, në kërkim, dhe Pëllumb Abeshin, Jonida Zeqon, Bardhyl Çabirin e Serafin Papën nuk pati ndryshim të vendimit duke qëndrura në fuqi ai i Shkallës së që u dha më 5 Tetor të vitit 2023.

SPAK në muajin Prill, ankimoi vendimin e GJKKO-së duke kërkuar shtimin e akuzës 'shpërdorim detyre' për të dy, si dhe prishjen e pafajësisë së shkallës së parë për Bllakon. Ndërkohë  Bllako sot u njoftua se u mor i pandehur edhe për Inceneratorin e Tiranës.

Gjykata e Posaçme e Apelit për Korrupsionin dhe Krimin e Organizuar, përbëhej me trup gjykues nga gjyqtarët Iliriana Olldashi si kryesuese, Saida Dollani dhe Engert Pëllumbi si anëtarë.

Gjithashtu Apeli la në fuqi edhe sekuestrot e vendosura disa pronave të të pandehurve, duke i kaluar pasuritë në konfiskim, përfshi edhe shoqëritë e ndjekura penalisht. Ish-ministri i mjedisit Lefter Koka dhe ish-sekretari i përgjithshëm i Ministrisë së Mjedisit Alqi Bllako zgjodhën të mos merrnin pjesë në seancën e shpalljes së vendimit

Vendimi ka lidhje me çështjen e regjistruar me nr. 35 akti, datë 16 Maj 2024, i bazuar mbi ankimin e SPAK-ut.

 

Inceneratori i Elbasanit/ Dënimet e GJKKO -së dhe Apelit të GJKKO, Sa ishin dhe si bëhen:
Lefter Koka, ish ministri i Mjedisit -  GJKKO e dënoi me 8.6 vite burg, me gjykim te shkurtuar, 5.8 vite (i ra akuza e shpërdorimit) -  Apeli e bëri 10 vite burg. Fajtor dhe për shpërdorim detyre. Me gjykim të shkurtuar do të vuajë 6,8 vite burg
Klodian Zoto, administrator i firmës koncensionare -  GJKKO e dënoi me 10 vite burg, gjykim i shkurtuar 6.8 vite (i shpallur në kërkim) - Apeli e la në fuqi
Mirel Mërtiti, pronari i Albteckenergy, (në kërkim) - GJKKO e dënoi me10 me vite. Me gjykim të shkurtuar do të vuajë  6.8 vite burg - Apeli e la në fuqi
Stela Gugallja, bashkëjetuesja e Mirel Mërtirit (në kërkim) - GJKKO e dënoi me 7 vite.Me gjykim të shkurtuar do të vuajë 4.8 vite burg- Apeli e la në fuqi
Alqi Bllako, ish deputeti i PS-së - GJKKO e shpalli të pafajshëm -   Apeli e shpalli të fajshëm e dënoi me 4 vite burg. Me gjykim të shkurtuar do të vuajë 2 vite e 8 muaj burgim
Pëllumb Abeshi, ish drejtori i Politikave në ministrinë e Mjedisit - GJKKO e dënoi me 4 vjet. Me gjykim të shkurtuar do të vuajë 2.8 vite - Apeli e la në fuqi
Bardhyl Cabiri, ish-anëtari i Komisionit për dhënien e koncensionit nga Bashkia e Elbasanit - GJKKO e dënoi me 2 vjet burg - Apeli e la në fuqi
Jonida Zeqo, ish zyrtare - GJKKO e dënoi me 4 vjet burg, Me gjykim të shkurtuar do të vuajë 2.8 vite burg - Apeli e la në fuqi
Serafin Papa,GJKKO e dënoi me 1.4 vite burg - Apeli e la në fuqi

(Kliko këtu për të lexuar dokumentin e plotë)  

A.Q/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vlonjati: 09/11/2024 09:25

    Ky gjykimi i shkurtuar per çfare eshte kur asnjeri nga ata se ka pranuar fajin ?! A mund te ma spjegoje njeri ?

    Përgjigju
  • xXx: 08/11/2024 19:45

    Këtij Bllakos vetëm për emrin duhet t'i rritet dënimi...

    Përgjigju
    • xXx: 09/11/2024 00:55

      Emër dhe surrat skuthi...

    • Alqi: 08/11/2024 20:41

      Cfare ka emri?

  • Hajriu: 08/11/2024 15:34

    Lajm i mire. Po pasurite kur do ju konfiskohen?

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

48-vjeçari ekzekutohet në Kamzë, dyshohet se u nxor në pritë! Vëllai i Lulzim Vishës vrau në prill të 1997 (EMRAT)

48-vjeçari ekzekutohet në Kamzë, dyshohet se u nxor në pritë! Vëllai i Lulzim Vishës vrau në prill të 1997 (EMRAT)

24 Janar, 10:17